Ona tili va adabiyot o‘quv – uslubiy majmua samarqand – 2019 Qayta tayyorlov kursi yo‘nalishi

Mavzu yuzasidan test topshiriqlari
1. Qo‘shma gap qismlari orasida o‘xshatish, zidlash, shart kabi munosabatlar ifodalansa, ular orasiga qanday tinish belgisi qo‘yiladi?
A) vergul B) ikki nuqta C) tire D) nuqtali vergul
2. Yigitlar daraxtning ostini yumshatdilar // qizlar maktab hovlisini supurdilar. Ushbu qo‘shma gap tarkibidagi sodda gaplar orasida qanday tinish belgisi qo‘yiladi.
A) nuqtali vergul B) tire C) vergul D) ikki nuqta
3. Ruboiyni ichida o‘qidi, yuzini tabassum qopladi. Ushbu gap turini aniqlang.
A) ohang vositasida bog‘langan qo‘shma gap B) bog‘langan qo‘shma gap C) sodda gap D) uyushiq bo‘lakli sodda gap
4. G‘animlar duch kelar – jang bo‘lar puxta. Qo‘shma gap turini aniqlang.
A) bog‘lovchisiz qo‘shma gap B) ega ergash gapli qo‘shma gap C) bog’langan qo‘shma gap D) hol ergash gapli qo‘shma gap
5. Eshakni yaydoq minib bo‘lmaydi // yiqiladi kishi. Ushbu qo‘shma gap tarkibidagi sodda gaplar orasida qanday tinish belgisi ishlatiladi?
A) vergul B) nuqtali vergul C) tire D) ikki nuqta
6. Oyim endi o‘rnidan turayotgan edi, eshik shaxt bilan ochildi. Ushbu gap turini aniqlang.
A) ergashgan qo‘shma gap B) bog‘langan qo‘shma gap C) bog‘lovchisiz qo‘shma gap D) murakkab qo‘shma gap
7. Bizning qarorimiz shu: hasharda barchamiz faol ishtirok etamiz. Gapdagi ikki nuqtaning qo‘yilish sababini izohlang.
A) qo‘shma gap qismlari orasida izohlash munosabati ifodalanganligi uchun B) qo‘shma gap qismlari orasida o‘shatish munosabati ifodalanganligi uchun C) qo‘shma gap qismlari bir paytda yoki ketma-ket sodir bo‘lgan voqea-hodisani ifodalangani uchun D) qo‘shma gap qismlari orasida shart munosabati ifodalanganligi uchun
8. Qanday munosabat ifodalanganda bog‘lovchisiz qo‘shma gap qismlari orasida tire qo‘yilmaydi?
A) o‘xshatish B) zidlash C) izohlash D) shart
9. Izohlash munosabati ifodalangan bog‘lovchisiz qo‘shma gap qismlari orasida qanday tinish belgisi ishlatiladi?
A) tire B) ikki nuqta C) vergul D) nuqtali vergul
10. Qaysi qatordagi qo‘shma gap qismlari orasida tinish belgisi noto‘g‘ri qo‘llangan?
A) Kuz keldi, yig‘im-terim ishlari boshlandi. B) To’rt mashina o‘g‘it yubordik – fermerlarga vaqtida taqsimlansin. C) Siddiqjon to‘xtadi: orqasidan kimdir kelayotgan edi. D) Orzum shul: o‘chmasin yongan chirog‘ing.