Ona tili darslik

3-§.  Gapning ifoda maqsadiga ko‘ra turlari 
 
Gaplar ifoda maqsadiga ko‘ra quyidagi turlarga ajratiladi:  
1) darak gap; 2) so‘roq gap; 3) buyruq gap. 

---

 
 
177 
 
1. Darak gap 
 
Borliqdagi  hodisalar haqida tasdiq yoki inkor yo‘li bilan xabar qiluvchi gap 
darak  gap  deyiladi.  Darak  gap  nutqda  gapning  boshqa  turlariga  qaraganda  ko‘p 
qo‘llanadi. 
Darak  gap  mazmunan  va  tuzilishi  jihatdan  rang-barang  bo‘ladi.  Darak  gap 
darak  ohangi  bilan  aytiladi.  Bunda  gapning  birinchi  qismida  ohang  ko‘tariladi, 
ikkinchi qismida esa pasayadi. Masalan: Yoz kechasining yoqimli salqini. Ko‘kda, 
daraxtlar  ustida  g‘uj-g‘uj  yulduzlar  yonadi.  Chirildoqlarning  mayin  musiqasi 
hamma yoqni to‘ldirgan, go‘yo kechaning o‘zi kuylaydi. (O.). 
Darak  gapning  kesimi  ko‘pincha  aniqlik  (xabar)  maylidagi  fe’l  bilan  yoki 
fe’ldan boshqa so‘z turkumlari bilan ifodalanadi. 
Darak gap oxiriga nuqta qo‘yiladi.