«Ona tili» 8-sinflar uchun 8- 8- 1-dars

Dars jihozi: Darslik, kompyuter, tarqatma materiallar, ko’rgazmali qurollar...
Dars shiori: Tilga ixtiyorsiz - elga e`tiborsiz. ( A. Navoiy )
Foydalaniladigan adabiyotlar:
«Ona tili» 8-sinf uchun darslik. 8-sinf darsligining elektron varianti.
I. Darsning borishi:
a) salomlashish b) sinf tozaligi va davomatni nazorat qilish
c) kirish suhbati, o’quvchilarning og’zaki nutqini o’stirish
II. O’tgan mavzuni so’rash.
a) individual - tarqatma materiallar, kartochka.
b) Frontal (guruh bilan ishlash)
III. Yangi mavzu
25-mashq. Ikkala matnni qiyoslab, shakl va mazmundagi o’xshashlik va farqlarni ayting. Buning sababini tushuntiring va berilgan savollarga javob bering.
Birinchi matn ALISHER NAVOIY
Besh asrkim nazmiy saroyni Titratadi zanjirband bir sher. Temur tig’i yetmagan joyni Qalam bilan oldi Alisher. (A. Oripov)
Ha. Bu «zanjirband sher»ning she’rlari shuhrati necha asrlardan beri jahonni maftun etib kelyapti. G’azallari porloq quyosh singaridir. Uning betakror nazmi oldida hatto Sa’diy va Hofizning she’riyat osmonidagi yulduzlari xira tortdi. «Nizomiy panjasiga panja urib» bunyod qilgan «Xamsa»si «Panj Ganj» shuhratiga soya soldi. Forsigo’ylar uni turkiy tilda yozganligidan shukronalar aytdilar.
Ikkinchi matn ALISHER NAVOIY
Buyuk o’zbek shoiri va mutafakkiri Alisher Navoiy 1441- yilda tug’ildi. Shoirning she’rlari XV asrning 60- yillaridayoq mashhur bo’la boshladi. Shoirning ilk devonlari bundan darak berib turibdi.
Yillar o’tishi bilan Alisher Navoiy asarlarining shuhrati ortib bordi va butun jahonga tarqaldi. Yevropa va Osiyodagi barcha davlatlarda Alisher Navoiy kitoblarining yoyilishi, ularning o’nlab tillarga tarjima qilinganligi buning dalilidir.
Alisher Navoiy asarlari o’zining badiiyligi, mazmundorligi va go’zalligi bilan Nizomiy Ganjaviy, Sa’diy, Hofiz Sheroziy, Abdurahmon Jomiy asarlaridan ustun turar edi. Shuning uchun uning ustozi, fors-tojik adabiyotining ulkan namoyandasi Abdurahmon Jomiy Alisher Navoiy ijodi xususida shunday deb yozgan: «Shukrlar bo’lsinki, u she’rlarini turkiy (ya’ni o’zbek) tilida ijod qilgan. Agar u forsiy tilda ijod qilganda, bizning asarlarimizni hech kim o’qimas edi».