Ona tili №1-variant

---

ONA TILI - 
№1-variant
 
1.
“Yaratish”, “bino qilish” ma’nolarini ifodalaydigan atamani toping. 
A) epigraf B) insho C) sintaksis D) istiora 
2.
To`ldiruvchi ergash gapli qo`shma gap berilgan qatorni ko`rsating. 
A) Shunday ne’matlar borki, ularni pul birligida o`lchab bo`lmaydi. 
B) Yerga mehringni bersang, u senga rizq beradi. 
C) Shundan ehtiyot bo`lish lozimki, hamrohingiz aslo nodon bo`lmasin. 
D) Dono aybni o`zidan axtaradi, ahmoq bo`lsa do`stini ayblaydi. 
3.
Qaysi qatordagi birlik imloviy jihatdan to`g`ri yozilgan? 
A) 1-yanvar - Yangi yil B) Xalqaro futbol federatsiyasi 
C) Toshkent Davlat Universiteti D) O`zbekiston bosh qo`mondoni 
4.
Qaysi javobdagi gapda tinish belgisi to`g`ri qo`llangan? 
A) Qor yog`di, don yog`di. B) Yaxshi so`z – yurak yog`i, yomon so`z – yurak dog`i. 
C) Ruboiyni ichida o`qidi – yuzini tabassum qopladi. 
D) Orzum shul – o`chmasin yongan chirog`ing. 
5.
Berilgan qaysi gapda murakkab fe’l kesim qatnashgan? 
A) Vaqtni o‘ldirish uchun o‘qiydiganlarga hech qaysi asar uzun tuyulmaydi. 
B) Tiriklik – ilm bilan, rohat ma’rifatda bo‘lur. 
C) Uning esiga haligi mish-mishlar tushib, yuragi bigiz sanchganday og`ridi. 
D) Abdulla Qodiriyning “O`tkan kunlar” romanini to`liq o`qib chiqing. 
6.
Nisbat shakli qo`shilishi natijasida o`timli fe’lga aylanishi mumkin bo`lgan fe’llarni toping. 
A) uxladi, kuldi B) gapirdi, eshitdi C) o`qidi, zangladi D) yurdi, so`radi 
7.
Xonadagi bolalarning bugungi ishlari ma’qul bo`lmadi.
Ushbu gap qanday gap bo`laklaridan tashkil 
topgan? 
A) hol, aniqlovchi, hol, ega, kesim B) hol, ega, hol, aniqlovchi, kesim 
C) hol, aniqlovchi, hol, ega, hol, kesim D) aniqlovchi, aniqlovchi, aniqlovchi ega, kesim 
8.
Qaysi javobda ravish turkumiga oid antonim so`zlar berilgan? 
A) nordon – achchiq B) biroz – ancha C) sekin – to`xtovsiz D) kechki – ertalabki
9.
Qaysi gapda sifat bilan ifodalangan kesim ishtirok etmagan? 
A) Inson chehrasi hamisha uning ichki olamini aks ettiradi, shu sababli fikr yuzda aks etmaydi, deb o‘ylash 
xatodir.
B) Inson chehrasi uning tiliga nisbatan ko‘p va qiziqroq narsalarni aytib berishi mumkin: til faqat inson 
fikrlarini bayon etsa, chehra fikr mohiyatini ko‘rsatadi.
C) Go‘zallik − haqiqiy baxt-saodat va rоsmana qahramonlik, u balandparvoz so‘zlarga muhtoj emas.
D) Chehrasi ochiq kishining qalbi ham ochiq. 
10.
Aniq nisbatdagi fe’llar qatori berilgan javobni aniqlang. 
A) tuzatmoq, kuzatmoq, gaplashmoq B) to`plashmoq, faxrlanmoq, zavqlanmoq 
C) to`latmoq, boplamoq, tug`ilmoq D) kulishmoq, borishmoq, suzishmoq 
11.
Gapda faqat o`timli fe’llarga bog`lanib keladigan kelishik qo`shimchasidagi so`z gapda doimo qaysi gap 
bo`lagi vazifasini bajaradi? 
A) aniqlovchi B) vositali to`ldiruvchi C) payt holi D) vositasiz to`ldiruvchi 
12.
Qaysi so`zlar qatori bo`g`inga to`g`ri ajratilgan? 
A) mu-do-fa-a, e-lek-tr, mo-nog-ra-fi-ya B) kon-gress, ya-nga, da-nga-sa 
C) ing-liz, kon-trakt, sao-dat D) ta-as-suf, ta-as-su-rot, shta-nga 
13.
Qaysi javobdagi so`zlar imloviy jihatdan to`g`ri yozilgan? 
A) bebaxo, ohiri, qoraxat, shubhasiz B) hayot, xulosa, xovli, zaxmdor 
C) hissa, xarob, xonadon, xususiyat D) to`xta, hunar, xalovat, halokat 
14.
Ko`chirma gaplar haqidagi quyidagi fikrlardan nechtasi to`g`ri? 
1. Ko`chirma gaplar muallif gapi bilan ketma-ket bir qatorda berilgan bo`lsa, qo`shtirnoqqa olinadi. 
2. Ko`chirma gap alohida abzas ko`rinishida yangi qatordan berilgan bo`lsa, ko`shtirnoqqa olinmaydi.
3. Ko`chirma gap alohida abzas ko`rinishida yangi qatordan berilgan bo`lsa, ko`chirma gap oldidan tire 
qo`yiladi. 4. Hech bir o`zgarishsiz nutqqa olib kirilgan o`zganing gapi ko`chirma gap deyiladi. 
A) to`rttasi B) uchtasi C) ikkitasi D) bittasi 

---

15.
Bir so’z, “qotib qolgan“ birikma shaklida bo‘lib, boshqa so‘z bilan kengayish imkoniyatiga ega 
bo‘lmagan gap … 
A) atov gap deyiladi B) so`z-gap deyiladi C) to`liqsiz gap deyiladi D) iborali gap deyiladi 
Hurmatli ustozlar, bilimdonlar, ona tili va adabiyot ixlosmandlari,
 sizlar uchun ona tili va adabiyot 
fanidan mukammal ma’ruza matnlari, testlar, videodarslar, lug`atlar, fanimizning eng so`nggi 
yangiliklari, 5-6-7-8-9-10-11-sinf ona tili va adabiyot kitoblaridagi murakkab mavzular, mashqlar 
tahlili kerakmi? Unday bo`lsa, bizga qo`shilling va bizga murojaat qiling. Bizda yordam beminnat! 
Marhamat !!! 
TELEGRAM MANZILIMIZ: 
ZIYOLI ZIYOKORLAR ZIYOSI 
https://t.me/Tilchi_Adab_NasriddinRahmonovdtm
 
https://t.me/Tilchi_Adab_NasriddinRahmonovdtm