Қўқон университети Бизнес кафедраси Минтақавий иқтисодиёт фани

Болаларни атроф-олам ва табиат билан таништиришнинг таълимий-тарбиявий вазифалари
Болаларнинг табиат ҳақидаги билимларини бойитиш.
Болаларнинг табиат ҳақидаги билимларни эгаллашлари уларнинг билиш қобилиятлари - сенсор аппарати, мантиқий фикрлаши, диққат, нутқ, кузатув-чанлик, билишга қизиқиши кабилар билан мустаҳкам боғланган бўлиши керак.
Болаларда билишга қизиқишни тарбиялаш.
Болаларга ҳайвонлар ва ўсимликларни қандай кузатишни кўрсатиш, уларнинг диққатини уларнинг ташқи кўриниши, ҳаракатига қаратиш орқали тарбиячи уларда нафақат табиат ҳақида билимларни, балки уларга масъулиятли муносабатни шакллантиради. Фақатгина ҳар доим боланинг ёшини ҳисобга олиш ва унинг диққатини мазкур предмет ва ҳодисадаги предметларга қаратишни билиш зарур.
Болаларни атроф-олам билан таништириш.
Болаларни атроф олам ва табиат билан таништириш жараёнида аҳлоқий, жисмоний, меҳнат ва эстетик тарбияни амалга ошириш зарур.
Табиат болаларни эстетик тарбиялашнинг асосий воситаларидан биридир. Табиатнинг гўзаллиги ҳатто энг кичик болаларни ҳам ўзига ром қилмасдан қолмайди. Уларни табиатни билиш жараёнида эътиборларини ўрмоннинг шовқинлари, қушларнинг сайраши, баргларнинг шакли ва ранги, гулларнинг ҳидлари, ҳайвонларнинг ҳаракатларига қаратиш керак. Бунинг муҳим жиҳати бола келажакда ўз ҳаётида дунёнинг барча ва хилма-хил гўзалликларини идрок эта олишига шароит яратишдир.
Болаларда меҳнатсеварлик, табиатга эҳтиёткорона муносабатни тарбиялаш учун уларни ўсимликларни суғориш ва ҳайвонларни овқатлантиришнинг оддий усулларини ўргатиш зарур. Энг муҳими, болаларнинг ўзлари бажараётган иш жараёни ва натижаларидан завқ олишларига эришиш лозим. Меҳнатсеварлик сифатини шакллантириш учун болаларни катталарнинг табиатдаги меҳнати билан таништириш, уларнинг фаолиятига ҳурматни тарбиялаш зарур.
Боланинг аҳлоқий ривожланишида унда Она табиатга муҳаббат ва табиатга эҳтиёткорона муносабатда бўлиш асосий ўрин тутади. Болаларга бу борада энг яқин йўл улар ўсиб улғаётган жойдир. Мактабгача таълим муассасасида тарбиячи болалар билан ҳайвон ва ўсимликларни кузатадилар ва парваришлайдилар. Натижада уларда табиатга эҳтиёткорона муносабат, меҳнатни севиш ва меҳнат қилишга одатланиш, топширилган ишга масъулият ўз-ўзидан шаклланади.

.