Қўқон давлат педагогика институти ректорининг 2020 йил 24 ноябрдаги 526-сонли буйруғи ва 2020 йил 12 декабрдаги 556-сонли буйруғи ижроси тоғрисида

Қўқон давлат педагогика институти ректорининг 2020 йил 24 ноябрдаги 526-сонли буйруғи ва 2020 йил 12 декабрдаги 556-сонли буйруғи ижроси тоғрисида
МАЪЛУМОТ
Қўқон давлат педагогика институтига Қўқон шаҳрида жойлашган 18-сонли, 28-сонли, 34-сонли, 31-сонли умумтаълим мактаблари ва Ўзбекистон туманида жойлашган 32-сонли умумтаълим мактаблари бириктирилган бўлиб, мазкур умумтаълим мактаблари таълим-тарбия тизимини янада такомиллаштириш, илм-фан соҳасини ривожлантириш, ўқитувчиларнинг касбий ва педагогик маҳоратини янада ошириш, ўқувчиларнинг касб-ҳунарга бўлган қизиқишларини кучайтириш ҳамда мактаб ўқувчиларини олий таълимга қамровини оширишга кўмаклашиш борасидаги бир неча босқичли ҳамкорлик лойиҳаси ишлаб чиқилган ва амалиётга жрий этиш бўйича чора-тадбирлар режаси тасдиқланган.
Лойиҳа тўққиз босқичдан иборат бўлиб, дастлабки босқичларда умумтаълим мактаблардаги таълим шароитларини ўрганиш, умумтаълим мактаб педагогларнинг ва битирувчи синф ўқувчиларнинг билим ва кўникмаларини диагностика қилиш назарда тутилган.
Бугунги кунда ҳамкорлик лойиҳасининг кейинги босқичлари доирасида умумтаълим мактабларида “Ҳаёт сабоқлари”, “Олимлар куни” ва “Кафедралар соати” каби мавзуларда семинар ва очиқ мулоқотлар ўтказиш амалиётларини жорий қилиш, мактаб битирувчиларининг олий таълимга қамровини оширишда кўмак бериш, юқори синф ўқувчилари учун, уларнинг қизиқиши ва қобилиятидан келиб чиқиб, мактаб қошида олий таълим муассасаларига кириш синовларига тайёрлов курсларини ташкил этиш, институт илмий ходимлари ва докторантларни жалб этган ҳолда, иқтидорли ўқувчилар билан ишлаш, ўқувчиларда илм-фанга қизиқишни ўйғотиш мақсадида, уларнинг қизиқишларидан келиб чиқиб, институт профессор-ўқитувчилари томонидан дарсдан ташқари фан тўгаракларини ташкил этиш ва шу каби амалий тадбирлар ўтказиб борилмоқда.
Шу билан биргаликда Қўқон давлат педагогика институти Қўқон шаҳар ва атроф туман Халқ таълими бўлимлари тасарруфидаги умумтаълим мактабларида таълим-тарбия тизими ва илм-фан соҳаларини янада такомиллаштириш, ўқувчи ёшларни ўз қизиқиши ва иқтидоридан келиб чиқиб маълум фан ва касб-ҳунарга бўлган қизиқишларини кучайтириш, мактаб битирувчиларини олий таълимга қамровини оширишда кўмак бериш мақсадида саралаб олинган ўқувчилар учун “Иқтидорли ўқувчилар синфи”, институт кафедра салоҳиятидан келиб чиқиб, профессор-ўқитувчилар томонидан мактабда фаолият юритаётган фан ўқитувчи-педагогларнинг ва ишчи-ходимларнинг касбий этика ва малакасини ошириш, сифат таркибини яхшилашга кўмаклашиш мақсадида Халқ таълими бўлимлари билан ҳамкорликда “Маҳорат дарслари” лойиҳалари амалиётга жорий этилган.
Бугунги кунда ушбу лойиҳа орқали Қўқон шаҳар ва атроф туман, ҳусусан, Боғдод, Бешариқ, Бувайда, Данғара, Риштон, Ўзбекистон, Учкўприк, Фурқат туманлар Халқ таълими бўлимлари тасарруфидаги қарийб 450 га яқин умумтаълим мактабларидан танлаб олинган 600 дан зиёд ўқувчиларга сифатли таълим-тарбия бериш ҳамда мактаб битирувчиларини олий таълимга қамровини оширишда кўмаклашиш имкониятига, Халқ таълими бўлимлари тасарруфидаги қарийб 900 дан зиёд умумтаълим мактабларида фаолият юритаётган ўқитувчи-ходимларнинг касбий фаолиятида замонавий технологиялардан унумли фойдаланиш борасидаги машғулотлар олиб борилишига эришилди.
“Иқтидорли ўқувчилар синфи” ва “Маҳорат дарслари”да долзарб ва мазмунли машғулотларда таълим бериш мақсадида институтнинг 164 нафар малакали профессор-ўқитувчилари, 12 нафар докторант ва магистрантлари жалб қилинган.


Ўқув ишлари бўйича
проректор: Н.Жўраев