Омина Шенликўғли

сен шу кунларда онамни кўрсанг, таний олмайсан. Унаштирилган йигитим 
унга жуда чиройли муомалада бўлди ва Исломни тушунтирди. Гўѐ исломга 
қарши бўлган онам ўрнига бошқа одам пайдо бўлиб қолгандай. 
Ишонмаслигинг мумкин, лекин сен билган ўша аѐл ҳижобга кирди.
Ҳозир жуда бахтлиман. Мени кўрсанг ҳайратланиб қоласан. Ҳижобга 
шунчалик тез ўргандимки, баъзан нохуш воқеалар содир бўлса ҳам руҳим 
доимо енгил. Худди бахт менга қанот ҳадя этгандай, қўлларида кўтариб 
юргандай..
Хуллас, мендаги ўзгаришлар шулардан иборат...
Хўш, сенда нима гаплар? Қалбингда гўзаллик ҳалиям ҳукмронми ѐки ўша 
қоронғу кўчаларда йўқ бўлиб кетдими? Менга ўзинг ҳақингда ѐзиб юбор. 
Лайло... Нежла... Бону ҳақида ҳам...
Ватанимда қандай ўзгаришлар бўлди? Шуларни ҳам ѐзишни унутма.
Сўзларимни якунлар эканман, кўзларингдан ўпиб, сенга (сизларга) икки 
дунѐ саодатини тилайман. Аллоҳнинг саломини қабул қиладиган ҳар кимга 
саломимни етказ.
Беғубор дугонажоним менинг.
Ассалому алайкум.

---

Ўзлем Суслер.
Эслатма: Аллоҳ хоҳласа бир кун келиб, ишонаманки сен ҳам менга хуш 
хабарлар ѐзиб юборасан.”
Фотиманинг туйғулари таърифлаб бўлмас даражада эди. Бир тарафдан 
нохушлик, бошқа тарафдан севинчни ичига сиғдира олмас эди. 
Овқатини емасдан ѐтган, унсиз йиғлай-йиғлай уйқуга кетган эди. 
Кўзларини очганида эса кеч қолганини пайқаб апил-тапил кийиниб, кўчага 
чиқди. Бирдан катта тезликда келаѐтган юк машинаси уни уриб юборди. Қон 
ичида қолган Фотима ерга йиқилди. Атрофдагилар уни касалхонага олиб бориш 
учун машинага олиб чиқишди. 
Фотиманинг ҳуши ўзида эди. Ҳамма гап-сўзларни эшитиб борар эди. 
- Юк машинаси бечора қизнинг оѐқларини босиб ўтибди. 
Фотима даҳшат билан оѐқларини пайпаслади. Бармоқларини қимирлата 
олар эди-ку, бироқоѐқларини бир-бирига текказиб кўрмоқчи бўлганида улани 
қимирлата олмаѐтганини тушунди. Шу онда бирдан балконда ўтирадиган 
йигитнинг онаси айтган гаплар ѐдига тушди: “Оѐқларингнинг соғломлигига 
ишонма, Аллоҳ кўрсатмасин бир фалокат келса борми...” Ўша гап ҳақиқатга 
айландими? Фотима энди чўлоқ бўлиб қолдими? 
Ўзини таърифлаб бўлмас даражада ночор ҳис этарди. 
Бирдан бақира бошлади: 
- Мен чўлоқ бўлиб қолдим. Фалаж бўлиб қолдим. 
Бақириб кўзларини очганида аввал ўзини касалхонада деб ўйлаган, кейин 
эса туш кўрганини англади. 
Қизлар унинг овозини эшитиб, дарров атрофига тўпланишган эди. Чироқни 
ѐқиб, Фотимадан сўрашди: 
- Демет, сенга нима бўлди? 
Фотима кўзларини ишқалаганча жавоб берди: 
- Даҳшатли туш кўрдим. 
Нежла дарров сув олиб келди: 
- Ол, дарров ичиб юбор. 

---

Қизлар бироз муддат Фотиманинг ѐнида ўтириб, кейин тарқалишди. Аслида 
Лайло Фотима билан бир хонада турар эди. 
Ҳамма яна уйқуга кетган, Фотиманинг эса кўзига уйқу келмас эди. Соатга 
қаради. Тўрт бўлибди. Ўрнидан туриб, меҳмонхонага кирганида ҳалиям кўрган 
тушининг таъсирида эди. Балкондаги йигитни ўйлай бошлади: 
“Унга нега шунчалик ѐмон муомалада бўлган эканман? Чиндан ҳам 
одамгарчилигимни йўқотган эканман” – деди. 
Сўнгра ўша йигитнинг гаплари ѐдига тушди: 
- Мен сенга эмас, ичимдаги Фотимага қараяпман. Бир марта эса “Сен 
кабилар мусулмон бўлолмайди. Ҳақиқий мусулмон бўлиш учун юрак керак... 
Сенга ўхшаш бурни осмонда бўлганлар қаѐқда-ю, мусулмонлик қаѐқда?” – деган 
эди. 
Ўшанда уни “бечора” деган эди. Ҳозир эса аслида ачинишга арзигулик 
одам ўзи эканлигини англади. Ўша йигитнинг аҳволи нима бўлди экан? - деб 
ўйлаб қолди. Ҳозир унинг қанчалик тарбияли ва босиқ йигит эканлигини 
англади. 
Яна хаѐлига Усамо келди. Кейин ота-онаси... Бўғзига бир нарса 
тиқилгандай бўлди. Бу шундай оғир дардки, ҳечам кўтара олмаѐтган эди. 
Нонушта пайтида қизлардан сўради: 
- Қизлар, “ўрнимга бошқа одам топинглар, мен кетаман” – десам нима 
қиласизлар? 
Бону бундай гапни ҳечам кутмаган эди: 
- Йўқ, бундай дейишинг мумкин эмас. Бизни ташлаб кета олмайсан. Кейин 
Фотимага хомуш нигоҳ билан боқиб: - Сен кетсанг, меним ҳолим нима бўлади, 
Демет? – деди. 
- Демет эмас, Фотима. 
- Ҳа, Фотима. Сен кетсанг, бу ерларда қандай яшайман? Сен борлигингда 
ўзимни ѐлғиз ҳис қилмаѐтган эдим... Сенга ишонар эдим. Гўѐ сарвиқор тоғдай 
турар эдинг орқамда. 
Лайло, Нежла ҳам қаттиқ ранжишган эди. Биринчи бўлиб Лайло сўради: 
- Кетсанг, бизни унутасанми ? 

---

- Асло унутмайман. Доим сизни кўргани келиб тураман. Сиз мени кўргани 
борасиз. 
Фотиманинг кўз ўнгида бир неча йил олдинги ҳолат гавдаланди. У 
ўртоқларини уйига таклиф қилишдан уялар эди. Ҳозир эса у Фотимадан асар 
ҳам қолмаган. – Яна сизларни эски курсиларга ўтиргизар ва бундан ҳечам ор 
қилмас эдим. 
Қизлар ҳайрон бўлиб бир-бирларига қарашди. 
- Нима демоқчисан, Демет? Узр, Фотима. 
- Ҳа, майли, эътибор берманг. Ўз-ўзимга айтадиганимни айтдим. 
Бону ҳайрон бўлиб сўради: 
- Биз шу ердалигимизда ҳам сен ўз-ўзинг билан гаплашяпсанми? 
- Ҳа, баъзан шунақаси ҳам бўлиб туради. 
Савол навбати Нежлага келган эди: 
- Уйга қайтсанг, отанг уйга киргизадими? Сени ѐмон йўлга кирган деб 
билади-ку. 
Фотима чуқур ўйга толди. Пиѐласидан бир хўплам чой ичиб жавоб берди: 
- Мени шунақанги отам бор-ки, мени ўз кўзлари билан тубанликда кўрса 
ҳам қабул қилади. У доим “ѐшларга хатосидан қайтишга имкон бериш лозим” – 
дерди. Мен эртага хаѐлан уйга боришга жасорат топа олаѐтган бўлсам, бу - 
отамнинг тушуна олишига бўлган ишончимдандир. Отам даҳо экан-у, буни мен 
йиллар ўтиб англадим. 
* * * 
Posted by Family Novels at 4:51 AM 0 comments  
Email ThisBlogThis!Share to TwitterShare to FacebookShare to Pinterest