Ҳомиладорларга тавсиялар

Ҳомиладорларга тавсиялар:

• 
  таомларингиз хилма-хил бўлишига аҳамият беринг. Гўшт, балиқ, мева ва сабзавотлар, дуккаклилар, макарон, нон ва сут маҳсулотларидан имконият борича ҳар куни оз-оздан истеъмол қилиш керак;
  
• 
  кўнглингиз тусаётган маҳсулотни ейишга ҳаракат қилинг;
  
• 
  тузни камроқ истеъмол қилинг, тузламалар, дудланган балиқ ёки ҳар хил соуслар ҳомиладор аёл буйракларига салбий таъсир кўрсатади;
  
• 
  меъёрида суюқлик ичинг;
  
• 
  овқатни тез-тез ва оз-оздан ейишга ҳаракат қилинг;
  

• 
  уйқуга кетишдан олдин кўп таом еманг;
  
• 
  аллергия чақирувчи маҳсулотларни истеъмол қилманг;
  
• 
  спиртли ичимликлар, тамаки, аччиқ таомлар ва таркибида қаҳва сақловчи маҳсулотлар асло мумкин эмас;
  
• 
  ичагингизни вақтида бўшатишни таъминланг. Бунинг мева ва сабзавотларни кўпроқ истеъмол қилинг. Агар қабзиятга мойиллик бўлса, қуритилган олхўри, ўрик ва қовоқ яхши самара беради.
  

Азиз аёллар, соғлом овқатланиш ўзингиз ва фарзандингиз соғлиги учун муҳим!
https://t.me/stt_markazi








Аҳоли соғлом турмуш тарзини қўллаб-қувватлаш ва жисмоний фаоллигини ошириш маркази
Ҳомиладорлик даврида тўғри овқатланиш



Тошкент – 2022






Ҳомиладорликнинг дастлабки уч ойлик даврига алоҳида эътибор бериш керак
Ушбу даврда ҳомилада янги аъзо ва тизимлар ривожлангани сайин оқсил, ёғ, углевод, витаминлар, минерал ва бошқа озиқа моддаларга бўлган эҳтиёж ошиб боради (аёлда витаминга бўлган талаб 2-2.5 марта ошади).
Бу даврда ҳомиланинг соғлом ва нуқсонсиз туғилишини таъминлашда фолат кислотаси миқдорини ошириш муҳим аҳамиятга эга. Фолат кислотаси кўкатлар (петрушка), салат барглари ва дуккаклилар оиласига (мош, нўхот ва ловия) мансуб маҳсулотлар таркибида кўплаб мавжуд.
Бундан ташқари буғдой унидан тайёрланган нонлар (қора нон), гречкали бўтқа, сут ва сут маҳсулотлари, парранда гўшти, тухум, мевалар ва мева шарбати, сабзавотлар, айниқса карамни истеъмол қилиш тавсия қилинади.



Ҳомиладорлик пайтида соғлом овқатланиш – ҳам боланинг тўғри ўсиши ва ривожланиши, ҳам бўлғуси онанинг ўзини соғлом бўлиши учун жада аҳамиятли!
Тўғри танланган рацион ҳомиладорлик пайтида овқат ҳазм бўлишини йўлга қўйишга ёрдам беради, уйқуга берилиш ва толиқишнинг олдини олади, иммунитетни мустаҳкамлайди.





Ҳомиладор аёлларни рационал овқатланиши деганда –
кун давомида овқат рационини тўғри тақсимланиши ва ҳомиладорликнинг муддатларига мутаносиб ҳолда турли хил овқат маҳсулотларини истеъмол қилиш тушунилади.







Иккинчи уч ойликда калорияга бой озуқаларни кўпайтирган маъқул. Бу даврда ҳомила вазнининг ортиши, бачадон, сут безларининг ўсиб бориши оқсилга бўлган эҳтиёжни оширади.
Ҳомиланинг кўриш ва эшитиш аъзолари ривожланишига ҳисса қўшадиган А витамини ва бетакаротинга бой бўлган сабзи, карам, сариқ булғори ҳамда оқсилга бой балиқ гўштини истеъмол қилиш тавсия этилади.

Учинчи уч ойлик ўрталаридан бошлаб хамирли таомлар, ёғли гўшт, қаймоқларни овқат рационидан камайтириш лозим. Бу даврда ҳомиланинг суяклари ўсиши жадаллашади, шунинг учун таркибида кўп миқдорда кальций сақловчи маҳсулотларни истеъмол қилиш лозим. Балиқ, ёнғоқ, гўшт, қатиқ, творог, сабзавотлар истеъмол қилиш организм учун фойдали ҳисобланади.