Oltingugurtning kislorodli birikmalari Ishning maqsadi

1.Oltingugurt (IV) oksidning olinishi

(2-tajriba ni mo‘rili shkafda o‘tkazing)

1-tajriba. Oltingugurt (IV) oksidining olinishi.

Temir disulfidni kuydirish reaksiyasini yozing. Elektronlarning o‘tish sxemasini tuzing.

Tajribani o‘tkazish uchun FeS₂ ning bir necha donachasini issiqlikka chidamli nayning shar qismiga joylashtiring va shtativga qiyshiq qilib o‘rnating va sharni gaz alagasida qizdiring (tajribani issiqlikka chidamli bo‘lgan probirkada ham o‘tkazish mumkin). Ajralib chiqayotgan oltingugurt (IV) oksidini hididan va ko‘k lakmusning qiziarishidan bilish mumkin.

2-tajriba. Oltingugurt (IV) oksidning olinishi .

Kolbaga 2-3 qoshiqcha natriy sulfit soling. Tomchilatgich voronkasiga konsentrlangan sulfat kislota soling. Nima uchun tajribaga qattiq tuz va konsentrlangan sulfat kislota olindi? Chiqayotgan gazni qanday usul bilan yig‘ish kerak?

Kolbaga tomchilatib sulfat kislota tomizing.

Chiqayotgan gazni stakanga (yokisilindrga) va ikkita katta probirkaga yig‘ing. Probirkalarni tiqin bilan, stakan yokisilindrni shisha plastinka bilan berkiting. So‘ngra oltingugurt (IV) oksidini 50-100 ml suv bilan to‘yintiring. Buning uchun kolbadagi suvga gaz chiqaruvchi nayning uchini tushiring. Ichida Na₂SO₃ va H₂SO₄ aralashma suvni tortib ketmasligiga e’tibor bering. Tajriba oxirida oltingugurt (IV) oksidi ajralishini tezlatish uchun kolbadagi aralashmani bir oz qizdirish mumkin. SO₂ yuttirilgan suvni keyingi tajribalar uchun saqlab qo‘ying. Oltingugurt (IV) oksidini olish uchun xlorid yoki nitrat kislotasi ishlatilishi mumkinmi? Xulosangizni tushuntiring.