Oliy va o’rta maxsus

Umumiy o’rta ta’lim maktabi hududi va old fasadining bezatilishi

1. Maktabning hududiga ajratilgan er maydoni temir panjara yoki devor bilan o’ralgan bo’ladi.

2. Maktab hududiga kiraverishda asosiy darvoza ustuniga (darvoza eni bo’yicha) quyidagi tartib bilan maktab peshtaxtasi o’rnatiladi: (lotin yozuviga asoslangan o’zbek alifbosida) Davlat gerbi O‘zbekiston Respublikasi Xalq ta’limi vazirligi Farg’ona shahar 10-sonli umumiy o‘rta ta’lim maktabi Ushbu pannoning orqa tomoniga o’quvchilar uchun ta’lim-tarbiyaga oid chaqiruv shiori yozilishi maqsadga muvofiq. Bilim ol, o‘rgan, izlan!

3. Maktab hududida (maktab binosiga olib boruvchi yo’lakning o’ng va chap tomonida) ta’lim-tarbiyaga oid chaqiruv shiorlari yoki buyuk allomalarning fotosuratlari o’rnatilishi mumkin. Mehnat bilan tiklangandir bu Vatan, bu dunyo! Yoshlikning ko‘rki yaxshilikdir! Aqldan, ilmdan ortiq dunyo yo‘q. Aqlli odam qorin g’amini emas, ilm, hunar, yaxshilik g’amini yeydi.

4. Maktab hududining katta hajmdagi sxematik ko’rinishi panno shaklida o’rnatiladi. (Pannoda maktab binosi, obodonlashtirish bo’yicha sinflar kesimida hududni ajratilganligi aks etadi)

5. Maktab xududidining ko’zga tashlanadigan joyida yoki binoning chiroyli ko’rinadigan devoriga “Baxtli bolaligimz” nomli katta hajmdagi (3×6 o’lchamda) panno o’rnatiladi.

6.  Maktab binosiga kiraverishining chap tomonida Davlat bayrog’ini ko’tarish uchun flagshtok o’rnatiladi hamda “Ertalabki saflanish” uchun alohida tekis joy ajratilishi lozim.

7. Maktabning kirish eshigining chap tomonida maktab peshlavhasi (lotin yozuviga asoslangan o’zbek alifbosida 60×80 o’lchamda vo’vestka) osiladi. 

8. Maktabning old qismida “XUSH KELIBSIZ!” chaqirig’i bo’ladi.