Oliy va oʻrta maxsus ta’lim vazirligi

Institutdan ilmiy amaliyot stajirovka rahbari – ilmiy amaliyot stajirovkaga yo‘llangan magistratura talabasining magistrlik dissertatsiyasi va ilmiy-tadqiqot ishlariga bevosita rahbarlik qilayotgan ilmiy rahbar (ilmiy maslahatchi).
Uning vazifalariga quyidagilar kiradi:
- har hafta elektron va telekommunikatsiya tizimlari (telefon, faks, elektron pochta va boshqalar) stajyorning ilmiy amaliyot stajirovkasini borishini nazorat qilib borish;
- qabul qiluvchi tashkilot tomonidan magistrantlarga rahbar biriktirish jarayonida ishtirok etish;
- stajyor kundaligining to‘ldirilib borishini nazorat qilish;
- ilmiy amaliyot stajirovka dasturini ishlab chiqish;
- stajyorning qabul qiluvchi tashkilotga qatnashini nazorat qilish;
- qabul qiluvchi tashkilot rahbari bilan ilmiy amaliyot stajirovkaning o‘tkazilishi yuzasidan doimiy hamkorlikni yo‘lga qo‘yish;
- stajyorga ilmiy amaliyot stajirovka dasturini bajarish yuzasidan metodik yordam ko‘rsatish;
- zarur holatlarda ilmiy amaliyot stajirovka dasturini bajarilishi ustidan nazorat o‘rnatish uchun qabul qiluvchi tashkilotga tashrif buyurish;
- qabul qiluvchi tashkilot rahbari bilan birgalikda ilmiy amaliyot stajirovkaning yakuni bo‘yicha stajyorning faoliyatini baholaydi.
Qabul qiluvchi tashkilotdan ilmiy amaliyot stajirovka rahbari – zimmasiga magistratura talabalari tomonidan ilmiy amaliyot stajirovka o‘tash mas’uliyati yuklangan qabul qiluvchi tashkilot xodimi.
Uning vazifalariga quyidagilar kiradi:
- ilmiy amaliyot stajirovka dasturida belgilangan topshiriqlarning bajarilishini nazorat qilish;
- magistrlik dissertatsiyasi uchun materiallar to‘plashda stajyorga yo‘l-yo‘riq ko‘rsatish;
- stajyorni ilmiy loyihalar, pedagogik tajriba-sinov ishlari, ilmiy-amaliy konferensiyalarga, shuningdek, ta’lim muassasasining ilmiy-tadqiqot faoliyatiga jalb etish;
- stajyorning ilmiy-amaliy konferensiya va seminarlarda ishtirok etishini nazorat qilish va h.k.
Qabul qiluvchi tashkilot rahbarining eng asosiy vazifasi stajyorning ilmiy faoliyatni olib borishiga yordam berishdir.
Stajyor 5A111401– Xorijiy til va adabiyoti:ingliz tili mutaxassisligida tahsil olayotgan 2 kurs magistrantlari.
Stajyorning majburiyatlari:
- universitet va qabul qiluvchi tashkilotdan tayinlangan rahbar tomonidan belgilangan ilmiy faoliyatga taalluqli vazifalarni o‘z vaqtida bajirish;
- magistrlik dissertatsiyasining nazariy, amaliy va eksperimental qismlari bo‘yicha materiallarni to‘plash;
- o‘zining kasbiy bilim, ko‘nikma va malakalari hamda shaxsiy faoliyat tajribasini rivojlantirish;
- magistratura bo‘limi, kafedra va qabul qiluvchi tashkilot tomonidan belgilangan talablarga muvofiq hujjatlarni rasmiylashtirish.
Stajyorning eng asosiy vazifalaridan biri o‘zida kasbiy qobiyaliyatlarni rivojlantirishdir.