Oliy va o’rta maxsus ta’lim vazirligi

I. O‘quv fanining dolzarbligi va oliy kasbiy ta’limdagi o‘rni
“Mikroiqtisodiyot. Makroiqtisodiyot” fani zamonaviy bozor tizimi qanday ishlashini, xo‘jalik qarorlarining ob’yektiv qonuniyatlari va o‘ziga xos jihatlari, milliy iqtisodiyotning birlamchi bo‘g‘inlari hisoblangan firmalar ko‘lamida yuz berayotgan jarayonlarni tushunishni, hozirgi vaqtda firmalarning bozorga tez kirib kelishi, xo‘jalik sub’yektlarini zarur ishlab chiqarish omillari bilan ta’minlash muammolarini, mamlakat iqtisodiyotini yaxlit bir tizim sifatida tahlil qilish, iqtisodiy resurslardan samarali foydalanish, makroistisodiy ko‘rsatkichlarni hisoblash, inflyatsiya darajasini pasaytirish, xalqaro integratsiya jarayonida milliy iqtisodiyotni mutanosib va yuqori sur’atlarda rivojlanishini ta’minlash, milliy valyutamizning xarid qobiliyatini mustahkamlash, eksport salohiyatini yuksaltirish, to‘lov balansining barqarorligini ta’minlash yo‘llarini o‘rganadi. Shuningdek, “Mikroiqtisodiyot. Makroiqtisodiyot” fani bozor iqtisodiyotining nazariy va amaliy tomonlarini o‘rganish bilan birga makroiqtisodiy modellar orqali amaliyotda vujudga keladigan iqtisodiy muammolarning sabablari va yechimini topishda, iqtisodiy jarayonlarni makroiqtisodiy modellar vositasi orqali tahlil etish, ochiq iqtisodiyot sharoitida makroiqtisodiy siyosatni yuritish va uning natijalarini bashorat qilish usullarini ham o‘rganadi.