Oliy va o‘rta maxsus ta’lim vazirligi toshkent davlat iqtisodiyоt universiteti samarqand filiali

Malakaviy amaliyotning maqsadi va vazifalari

Talabalar malakaviy amaliyoti talabalarni tayyorlashda Davlat ta’lim standartiga, xususan o‘quv rejaga muvofiq tarzda tashkil etiladi va u ta’lim jarayonining bevosita ishlab chiqarish sharoitida amalga oshiriladigan tarkibiy qismi hamda davomi hisoblanadi.

Malakaviy amaliyotning asosiy maqsadi - talabani bevosita ta’lim standarti talablariga muvofiq mustaqil ishlashga tayyorlash, o‘zlashtirgan nazariy bilimlarini chuqurlashtirish va mustahkamlash, jamoada tashkilotchilik va tarbiyaviy ishlar olib borish bo‘yicha tajriba hosil qilish, korxonaning tashkiliy bo‘linmalari tuzilishini va funksional masalalarini o‘rganish, yo‘nalishlarni shakllantirish va tadbiq etishning iqtisodiy ko‘rsatkichlarini hisoblash bo‘yicha amaliy ko‘nikmalarini egallash hamda bitiruv malakaviy ishini bajarish uchun materiallarni to‘plash hisoblanadi. O’zbekiston Respublikasi Oliy ta’lim muassasalarida talabalarning malakaviy amaliyotini o’tkazish shakllari, tartibi va uslublari belgilangan.

Bakalavriat yo’nalishilari va magistratura ixtisosliklari bo’yicha mutaxassislar tayyorlashning muhim qismi bo’lgan talabalar amaliyoti ilg’or fermer xo’jaligi (fermerlar uyushmasi), korxona, muassasa va tashkilotlarda o’tkaziladi.

Malakaviy amaliyotlar bakalavriat yo’nalishlari va magistratura ixtisosliklari davlat ta’lim standartida (DTS) ko’zda tutilgan turli shakllarda tashkil qilinadi.

Har bir amaliyotning maqsadi, muddati va mazmuni DTS, o’quv rejalari va dasturlarida belgilangan.

Bu quyidagilardan iborat bo’lishi zarur:

• 
  xo’jalikda yer tuzilishini, yer monitoringini o’tkazilishini va yer kadastri yuritilishini o’rganish;
  
• 
  xo’jalik misolida ilg’or tajribalar bilan tanishish, texnologik usullarni qo’llash va baholash, dala ekinlarining joylashish tartibi, topshiriqlarning bajarilishi o’simlikshunoslik, chorvachilik va boshqa sohalar bo’yicha tashkil etilgan fermer xo’jaligi faoliyatini o’rganish;
  
• 
  xo’jalikning boshqarish tizimi, agronomik tadbirlarning o’tkazilishi, tashkiliy- iqtisodiy tomonlari, mehnat va atrof-muhitni muhofaza qilish, texnika va ishchi ta’minotlarni o’rganish;
  
• 
  xo’jalikning tabiiy iqlim va tuproq sharoitlarini o’rganish, ularni baholash, suv ta’minoti, meliorativ chora-tadbirlar va boshqalarni o’rganish;
  
• 
  xo’jalik negizida har bir meva, sabzavot va poliz ekinni yetishtirish texnologiyasini va hokazo tarmoqlar misolida sinchiklab o’rganish, ularga xulosa yasash va baholashni o’rganish;
  
• 
  malakaviy amaliyot bo’yicha tegishli ma’lumotlar yig’ish va amaliyot oxirida hisobotlar yozishi.
  
• 
  
  

2.