Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

MAVZU: ISHONCH – MAS’ULIYAT YUKLAYDI

Ishonch – yuksak mas’uliyat yuklaydi. Mas’uliyat esa javobgarlik demakdir. Bu har bir kishi fuqarolik burchi va o‘zining kasb-hunaridan kelib chiqib, Vatani va oilasi oldida unga ishonib topshirilgan vazifani sidqidildan, aql-idroki va bilimi bilan bajarishidir. Har birimiz bu javobgarlikni, ya’ni mas’uliyatni chuqur his etib, chin yurakdan ado etsak, bu bilan Vatanimiz ravnaqiga munosib hissa qo‘shgan bo‘lamiz.
YUrtboshimizning: «Ma’naviy dunyosi yuksak, teran bilimli odam hayot yo‘llarida o‘zini yo‘qotmaydi, oqni qoradan, yomonni yaxshidan ajrata oladi, o‘zgalarning ta’siriga berilmaydi», degan fikrlarini unutmasligimiz darkor.
“Ilmu ma’rifat e’zozlangan mamlakatda hech kim urush haqida bosh qotirmaydi. CHunki ilmu ma’rifat insonni yuksaklikka ko‘taradi. XXI asrda, men ishonaman, madaniyat uchun, ilmu ma’rifat uchun jonini beradigan va buni hayotning asosiy maqsadi qilib qo‘yadigan yangi avlod paydo bo‘ladi. Biz ana shu avlod uchun yashayapmiz. Biz kutayotgan avlod mana shu boylikni dunyodagi eng katta boylik deb bilsa, hayotini shunga baxshida etsa, bilingki, odamzot yorug‘ kunlarga etishishi muqarrar”.²⁷
Mamlakatimiz aholisining qariyib 70 foizini tashkil etuvchi yoshlar katta ijtimoiy-siyosiy kuch ekaniga bir tomondan davlat zimmasiga ulkan ma’uliyat yuklasa, ikkinchi tomondan yoshlarga oid maqbul siyosat yuritish natijasida ijobiy imkoniyatlarni ham beradi. YA’ni, yoshlarni hayotga to‘g‘ri yo‘naltirish, ularga moddiy va ma’naviy sharoit yaratib berish asnosida yoshlar va davlat o‘rtasidagi munosabat mustahkamlanadi. Davlat tomonidan yuritilayotgan bunday siyosat bevosita yoshlarning o‘z huquqlari va burchlariga rioya qilish mas’uliyatini oshiradi. Hozirgi paytda mazkur mexanizmga mamlakatimizda qat’iy amal qilinayotganligini ta’kidlash lozim.
Aynan, mulohazali, andishali, salohiyatli, qobil farzandlar hech vaqt davlat va jamiyat oldidagi mas’uliyatini unutmaydi.


YOsh do‘stim! O‘zingga ishon, qarorlaring va harakatlaringni nazorat qil, chunki ular bilan o‘z kelajagingni qurasan. Bugun nima foydali ish qildim, deb o‘zingga hisob ber, halol bo‘l! SHunda muvaffaqiyatlar kaliti qo‘lingda bo‘ladi.




²⁷Karimov I.A. “Barkamol avlod orzusi” .T.”Uzbekiston”ensiklopediyasi”nashriyoti.2000y .87-bet.