Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

131-modda. Transport vositalarini mast holda boshqarish
Oldingi tahrirga qarang.
Haydovchilarning transport vositalarini alkogolli ichimlikdan, giyovand modda ta’siridan yoki o‘zgacha tarzda mast holda boshqarishi – transport vositasini boshqarish huquqidan bir yilu olti oydan uch yilgacha muddatga mahrum etishga sabab bo‘ladi.
Xuddi shunday huquqbuzarlik transport vositalarini boshqarish huquqi bo‘lmagan shaxs tomonidan sodir etilgan bo‘lsa, — eng kam ish haqining o‘ttiz
baravari miqdorida jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi.
Alkogolli ichimlikdan, giyovand modda ta’siridan yoki o‘zgacha tarzda mast shaxsga transport vositasini boshqarishni topshirish — eng kam ish haqining o‘n besh baravari miqdorida jarima solishga yoki transport vositasini boshqarish huquqidan ikki yildan uch yilgacha muddatga mahrum etishga sabab bo‘ladi.
(131-moddaning matni O‘zbekiston Respublikasining 2011 yil 26 apreldagi O‘RQ-289- sonli Qonuni tahririda — O‘R QHT, 2011 y., 17-son, 168-modda)


Tafakkur durdonalaridan namunalar Qadimgi YUnoniston podshohlaridan birining Kir ismli xizmatkori ziyofat qizib turganida epchillik bilan qo‘liga qadahni olib, podshohga uzatar
ekan: “Meni o‘zingizga soqiy qilib tayinlashingizni so‘rayman”, – debdi.
Podshoh miyig‘ida kulib: “Sen soqiy bo‘lmoqchi ekansan, nima uchun haqiqiy soqiylarga o‘xshab menga berayotgan sharobdan uni zaharlanmaganligini bilish uchun o‘zing bir qultum ichib ko‘rmading?” – deb so‘rabdi.
- CHunki bu sharob, haqiqatan ham, zaharlangan, deb qo‘rqaman, nimaga desangiz, o‘tgan safar tug‘ilgan kuningizni nishonlayotganimizda soqiy hammangizni zaharlaganini o‘z ko‘zim bilan ko‘rdim...Ziyofatda, - deya gapini davom etibdi Kir, - sizning va mehmonlaringizning miyasida va xatti- harakatlarida g‘alati o‘zgarish sezdim, menday bir oddiy odam qilsa hech kechirib bo‘lmaydigan ishlar qildingizlar. Hammangiz bir-biringizga quloq solmasdan baqirib-chaqirib gapira boshladingizlar, g‘alati ashulalar aytib, ashulaga quloq solmasangizlar ham, ashula aytayotganlarni ko‘klarga ko‘tarib maqtadinglar. Hammangiz o‘z kuchingizni maqtadingiz, lekin o‘rtaga raqs tushaman deb chiqqanlar oyoqlarida arang turdilar. Sen podshohligingni unutding, ular esa sening xizmatkoring ekanliklarini unutishdi. Men o‘shanda har kim og‘ziga kelganini gapirishi mumkin ekanligining birinchi bor guvohi bo‘ldim.

• 
  Ana xolos, nima sening otang hech qachon sharob ichmaganmi? – so‘rabdi podshoh.
  
• 
  Hech qachon, - javob beribdi Kir.
  
• 
  Nima uchun?
  
• 
  U bir marta ichib ko‘rib, sharob ta’sirini bilgach, qaytib uni og‘ziga olmagan.
  


SHarqning buyuk donishmandi, axloq ilmining otasi Luqmoni Hakim aytadi:

• 
  Barcha yukni ko‘tardim, ammo burchdan og‘irrroq yukni ko‘rmadim. Barcha lazzatni totib ko‘rdim, ammo salomatlikdan chuchukroq lazzatni topmadim. Eng shirin lazzat – sog‘-salomatlik ekanligini angladim.
  

Mast kishidan aql, hayo va sabr ketadi. Modomiki, inson shulardan ajralar ekan, odamgarchilikdan chiqadi. SHarob zaharlarning biri. Agar uzoq och yurgan kishi ovqat va ichkiliklardan haddan tashqari iste’mol qilsa, ularning hammasi zahar bo‘ladi.

Ibn Sino O‘g‘illarim, nabiralarim va yaqinlarimga biron tomchi sharob ichib, xotinlarga yaqinlashishni man etdim. Zero, sharobning ta’sirida bunyodga kelgan farzand nasl-nasabning buzilishiga ta’sir etgay, debon shul pokiza
yo‘lni tutdim.
Amir Temur