Oliy va о„rta maxsus ta‟lim vazirligi nizomiy nomidagi toshkent davlat pedagogika universiteti

KIRISH 

Mavzuning dolzarbligi. O'zbekiston Respublikasi mustaqillikka erishgandan 

so'ng  mamlakat hayotida  jiddiy  o'zgarishlar, tub  yangilanishlar  yuz  berdi. Siyosiy 

munosabatlarda  yangicha tafakkur tarzi shakllanmoqda, jamiyat  ijtimoiy  -  siyosiy 

hayotida fuqarolarning real ishtirokini ta'minlash va uning kafolati tizimini yaratish 

mamlakatda  olib  borilayotgan  keng  qamrovli  islohotlarning  negizini  tashkil 

etmoqda.  

Demokratik  tamoyillarga  asoslangan  barqaror  jamiyatni  ta'sis  etish  avvalo 

islohotlar  jarayoning  izchil  va  mo'tadil  amalga  oshirilishiga  bog'liq.  Barqaror 

jamiyat islohotlar jarayonining tizimli va bosqichli amalga oshirilishi natijasida o'z 

taraqqiyotiga ega bo'ladi

1

.   

O'zbekiston  Respublikasi  Konstitutsiyasining  IX  va  XII  boblarida 

fuqarolarning iqtisodiy va ijtimoiy huquqini himoya qiluvchi jamiyatning iqtisodiy 

asoslarini  mustahkamlovchi  moddalar  kiritilgan.  Ushbu  huquqiy  asos  mulkchilik, 

mulkka  egalik  qilish,ijtimoiy  muammolarni  hal  etishning  eng  ilg'or  tajribalarini 

takomillashtirishga xizmat qiladi. 

Prezident  I.A.Karimov  "bugungi  kunda  ijtimoiy  hayot  sohasidagi  salbiy 

holatlarni bartaraf etib, odamlar turmush darajasining keskin pasayib ketishiga yo'l 

qo'ymasdan,  aholining  himoyaga  muhtoj  qatlam  va  guruhlarini  ijtimoiy 

muhofazasini ta'minlagan  holda, O'zbekistonda  ijtimoiy  -  siyosiy  barqarorlikni  va 

fuqarolar  totuvligini  saqlab  qolishga  muvaffaq  bo'ldik"

2

,  -  deb  ta'kidlaydi. 

Darhaqiqat,  O'zbekistonda  o'tish  davrida  kuchli  ijtimoiy  kafolat  tizimi 

shakllantirildi  va  hozirda  uni  amaliyotga  kengroq  tadbiq  qilish,  takomillashtirish 

muhim masala bo'lib kelmoqda. 

Mustaqillikning  dastlabki  davridan  boshlab  aholining  kam  ta'minlangan 

qismini  qo'llab-quvvatlash  borasida  ko'rilgan  chora-tadbirlar  ijtimoiy  siyosatni 

amalga oshirishning muhim yo'nalishlaridan biri bo'ldi

3

.  

                                                           

1

Jumaev R. Davlat va jamiyat: demokratlashtirish yo‟lida. Ijtimoiy siyosat va taraqqiyot. – T., 1998. – 109-b. 

2

Karimov  I.A.  Ikkinchi  chaqiriq  Oliy  Majlisning  to'qqizinchi  sessiyasidagi  (2002  yil  29  -  30  avgust)  ma'ruzasida 

bayon etilgan asosiy vazifalar va qoidalarni keng yoritish bo'yicha tashkiliy - ma'rifiy tadbirlar Dasturi. – T., 2002. – 

10-b. 

3

Jo‟raev N. Konstitutsiya: iqtisodiy islohotlar va ijtimoiy himoya//Sog‟lom avlod uchun. – T., 2012/4. – 3-b. 

---

 

 

Ijtimoiy himoyaning asosiy maqsadi aholi turmush darajasini muttasil oshirib 

borish,  qashshoqlanishning  oldini  olish,  aholining  turli  qatlamlari  o'rtasida  ta'lim 

olish,  madaniyat  va  san'at  yutuqlaridan  bahramand  bo'lish,  kasb  malakasini 

oshirish  va  daromadlarni  ta'minlashdagi  tafovutlarni  kamaytirish,  inson 

taraqqiyotining uzluksizligini ta'minlashdan iborat. 

Albatta, bu borada O'zbekistonda muayyan tajribalar to‟plandi.Biroq jamiyat 

taraqqiyoti  ijtimoiy  kafolat  tizimini  tinimsiz  takomillashtirib  borishni  taqozo 

qiladi.Bugungi  kunda  ijtimoiy  siyosatni  amalga  oshirishda  sifat  jihatdan  yangi 

bosqichga  o‟tish  ehtiyoji  paydo  bo‟ldi.  Shu  munosabat  bilan  yalpi  ijtimoiy 

himoyalash  tizimidan  bevosita  har  bir  shaxs  uchun  ishonchli  bo‟lgan  maqsadli 

ijtimoiy  kafolatlar  va  aholini  ijtimoiy  qo‟llab-quvvatlash  tizimiga  izchillik  bilan 

o‟tish jarayoni kechmoqda

1

.  

Aynan  shu  ma'noda  ijtimoiy  sohani  tartibga  solishda  amal  qilib  kelayotgan 

ustuvor  tamoyillar,  xususan,  qonun  ustuvorligi,  islohotlarni  bosqichma-bosqich 

joriy  etish,  kuchli  ijtimoiy  siyosat  kabi  tamoyillar  ijtimoiy  himoya  tizimini 

rivojlantirishda  muhim  amaliy  ahamiyat  kasb  etadi.  Ijtimoiy  himoya  tizimining 

asosiy jihatlarini aynan shu nuqtai nazardan ochib berish zarurati bitiruv malakaviy 

ishi mavzusining ilmiy dolzarbligi belgilaydi.