Oliy va o‘rta maxsus ta’lim vazirligi nizomiy nomidagi toshkent davlat pedagogika universiteti tillar kafedrasi

Savollar:

1. 
   Vatan so‘zi nima uchun hamisha shirin eshitiladi?
   
2. 
   Janglarda safda turganlar uchun eng oliy tuyg‘u qanday tuyg‘u?
   
3. 
   Vatanni o‘zga yurtning behisob mo‘jizalariga almashib bo‘ladimi?
   

Qadimgi turkiy adabiy til X-XII asrlarni o‘z ichiga oladi. O‘zbek adabiy tili dastlabki davrlarda umumturk adabiy tili sifatida X-XI asrlarda tashkil topgan. Yusuf Xos Hojibning “Qutadg‘u bilig”, Mahmud Qoshg‘ariyning “Devonu lug‘otit turk”, Ahmad Yuknakiyning “Hibatul haqoyiq” asarlari bu fikrni tasdiqlaydi. Bu davrda o‘zbek tili faqat o‘zbeklarning adabiy tili bo‘lmay, O‘rta Osiyoda yashovchi barcha turkey xalqlarning umumiy adabiy tili bo‘lgan.
Eski o‘zbek tili XIII-XV asrlarda shakllangan bo‘lib o‘tgan asrning 20-yillarigacha bo‘lgan davrni o‘z ichiga oladi. Bu davr adabiy tilining shakllanishi va rivojlanishida Alisher Navoiyning xizmatlari beqiyosdir. Navoiy o‘zining jahonga mashhur asarlari bilan o‘zbek adabiy tilini jahon miqyosiga olib chiqish bilan birga “Muhokamat-ul lug‘atayin” kabi noyob ilmiy asarlari bilan eski o‘zbek adabiy tili, uning stilistikasini ilmiy-nazariy jihatdan asoslab berdi. Navoiy haqli ravishda o‘zbek adabiy tilining asoschisi hisoblanadi.
Hozirgi o‘zbek tili respublikamizning davlat tili sanaladi. Shu bois ham, uni o‘rganishga alohida e’tibor berilmoqda. Istiqlolga erishgan O‘zbekistonning jahon hamjamiyatidagi mavqei ortib borar ekan, o‘zbek tili ham tobora qadr topmoqda. Chet ellik birodarlarimizning ham uni o‘rganishga zo‘r ishtiyoq bilan kirishayotgani fikrimizning dalilidir.
1989-yil 21-oktabr kuni «O‘zbekiston Respublikasining Davlat tili to‘g‘risida»gi alohida qonuni qabul qilindi. Har yili 21- oktabr yurtimizda o‘zbek tiliga davlat tili maqomi berilgan kun sifatida keng nishonlanadi.
1993-yil 2-sentabr Lotin yozuviga asoslangan o‘zbek alifbosi joriy etish to‘g‘risida Qonun qabul qilindi. 1995-yil 6-7-mayda mazkur qonunga o‘zgarish va qo‘shimchalar kiritildi.
1995-yil 24-avgustda O‘zbek tilining asosiy imlo qoidalarini tasdiqlash to‘g‘risida Vazirlar Mahkamasining Qarori e’lon qilindi.