Oliy va о‘rta maxsus ta’lim

TANLANGAN MAVZU BО‘YICHA О‘QUV ADABIYOTLARI BILAN DASTLABKI TANISHISH

Tanlangan mavzu bо‘yicha о‘quv adabiyotlari bilan dastlabki tanishish bosqichi, avvalo, kurs ishining rejasini tuzish va yoritilajak savollarning qamrovini belgilab olish uchun muhimdir. Kurs ishi rejasi uning yо‘nalishi va maqsadlarini aks ettirishi kerak. Shu sababli talaba rejani tuzishdan avval kurs ishining muhim savollarini belgilab olish maqsadida asosiy adabiyotlar, darsliklar, о‘quv qо‘llanmalar, vaqtli matbuotda chop etilgan maqolalar, amaliyotda qо‘llanilayotgan huquqiy-meyoriy hujjatlar bilan tanishib chiqib, mavzuning ham nazariy, ham amaliy tomonlarini aniqlab oladi.

TALABAGA
ESLATMA!

Hech qaysi о‘quv adabiyotida tayyor kurs ishi bо‘lmaydi!

О‘quv adabiyoti bilan ishlash – talabaning mustaqil faoliyati bо‘lib, bu faoliyat kutubxonalar va axborot-resurs markazlarining (ARM) kartotekalari va bibliografik ma’lumotnomalarini о‘rganishdan boshlanadi. Bu borada ARMda mavjud adabiyotlarni bilimlarning ma’lum tarmoqlari va sohalari bо‘yicha guruhlovchi predmet-alfavit katalogi, elektron darsliklar bо‘yicha ma’lumotlar bazasi, Internet resurs manbalaridan olingan ma’lumotlar yaqindan yordam berishi mumkin. Bundan tashqari, ARMlarda fanning yо‘nalishiga oid bо‘lgan kо‘plab maxsus jurnallar, xalqaro hamda respublika miqyosidagi ilmiy-amaliy anjumanlarning maqola va tezislari tо‘plami,

fanlardan о‘quv-uslubiy majmualar va ma’ruza matnlari, shuningdek, fanlardan modul tizimiga asoslangan elektron majmualar mavjud. Ular bilan yaqindan tanishish ham rejani tuzishda amaliy yordam berishi mumkin.

О‘quv adabiyoti bilan ishlashda darsliklar, о‘quv qо‘llanmalarning chop etilgan vaqtiga alohida ahamiyat berish zarur. Chunki ularda bayon etilgan

ayrim masalalar, keltirilgan amaliy ma’lumotlar, amaliyot bilan bog‘liq u yoki bu kо‘rsatmalarga asos bо‘lgan meyoriy materiallar eskirgan bо‘lishi mumkin. Shu sababli о‘quv adabiyotlarini tо‘plashda eng yangi nashrlardan (oxirgi 3-5 yillar ichida nashr etilgan) foydalanish, mustaqil izlanishlar asosida tuzilgan adabiyotlar rо‘yxatini esa kurs ishi rahbari bilan birgalikda kо‘rib chiqish va zarur bо‘lsa, ilmiy rahbarining tavsiyasi bilan tо‘ldirish lozim. Kurs ishi talaba tomonidan mustaqil holda mantiqiy jihatdan savodli uslubda yozilgan bо‘lishi kerak. Kо‘psо‘zli bayonnomalarga, shuningdek о‘quv qо‘llanmalari va iqtisodiy adabiyotlardan kо‘chirib - yozishga ruxsat etilmaydi. Kurs ishi talabaning mustaqil izlanishlari mahsuli bо‘lishi kerak !!!
Talabalarga yaqindan yordam berish maqsadida mazkur uslubiy kо‘rsatmaga kurs ishini bajarish bо‘yicha foydalanilgan adabiyotlar rо‘yxati ilova qilingan (3-ilovaga qarang).

4.