Oliy va o‘rta maxsus ta’lim

Magistrlik dissertatsiyasini baholash

Davlat yakuniy attestasiya komissiyasi a’zolari dissertatsiya ishini o‘rnatilgan tartibda ko‘rib chiqadi va ovoz berish yo‘li bilan baholaydi.
Ovoz berishda universitet rektori buyrug‘i bilan tasdiqlangan davlat attestasiyasi a’zolarigina qatnashadi. Ovoz berish natijalari tasdiqlangan shakl asosida rasmiylashtiriladi.
Magistrlik dissertatsiyasini baholashda magistrlik dissertatsiyasi uchun tanlangan mavzu dolzarbligini asoslab berilganligi; qo‘yilgan masalaning echish uslublarini ko‘rib chiqilishi va ulardan eng samaralisini aniqlanganligi; magistrantning ilmiy (yoki ilmiy-texnik, ilmiy-ijodiy) izlanishlar olib borish darajasi, mavzuga xos muammolarni tanlay olganligi va ularni aniq dalillar asosida tahlil eta olganligi; tadqiqotda olingan ma’lumotlar va natijalarni tasvirlar (chizma, rasm, taqdimot) shaklida mujassamlantira olganligi; samarali muqobil echimni
ilmiy, konstruktorlik, texnologik va texnik-iqtisodiy jihatdan asoslab berganligi; ilmiy-texnik masala echimining natijalari bo‘yicha xulosalar va takliflarni shakllantirganligi hamda fan va iqtisodiyotning tegishli tarmoqlarida qo‘llash imkoniyatlarini aniqlaganligi va boshqa masalalar e’tiborga olinadi.
Magistrlik dissertatsiyasi O‘zbekiston Respublikasi Vazirlar Mahkamasining 2015 yil 2 martdagi "Magistratura to‘g‘risi‖dagi Nizomga va O‘zbekiston Respublikasi Oliy va o‘rta maxsus ta’lim vazirligining 2018 yil 9 avgustdagi 19- 2018-son buyrug‘i bilan tasdiqlangan “Oliy ta’lim muassasalarida talabalar bilimini nazorat qilish va baholash tizimi to‘g‘risida”gi Nizom asosida baholanadi. Ushbu me’yoriy hujjatlar asosida ilmiy rahbar, taqrizchilar va Davlat attestasiya komissiyasi a’zolari tomonidan magistrlik dissertatsiyasi qismlarini quyidagicha baholash namuna sifatida tavsiya etiladi.

Magistrlik dissertatsiyasi va uni himoyasini baholash mezonlari¹.

№	Dissertatsiya qismlari va magistrantning malakalari mezonlari	Maksimal ball
1.	Ilmiy rahbarning xulosasiga aosan magistrlik dissertatsiyasini me’yoriy hujjatlar va Nizom talablari darajasida rasmiylashtirilganligi	5
2.	Ichki taqrizchining xulosasiga aosan magistrlik dissertatsiyasini me’yoriy hujjatlar va Nizom talablari darajasida rasmiylashtirilganligi uchun	5
3.	Tashqi taqrizchining xulosasiga aosan magistrlik dissertatsiyasini me’yoriy hujjatlar va Nizom talablari darajasida rasmiylashtirilganligi uchun	5
4.	Magistrant tomonidan magistrlik dissertatsiyasi tadqiqot mavzusining dolzarbligi va uning amaliyot bilan bog‘liqligini ko‘rsatib bera olishi	5

5.	Magistrant tomonidan tadqiqot mavzusining dolzarbligini asoslanishi, o‘rganilganlik darajasini yoritib berilishi	5
6.	Dissertatsiyaning maqsad va vazifalarini yoritib berilishi, mavzu bo‘yicha mavjud tadqiqotlarning ilmiy asosda qiyosiy tahlil etilganligi	5
7.	Dissertatsiya mavzusi bo‘yicha olingan natijalarning ilmiy yangiligini asoslab berilishi	5
8.	Dissertatsiya mavzusi bo‘yicha olingan natijalarning amaliyot bilan bog‘liqligini ko‘rsatib berilishi	5
9.	Magistratura talabasining tadqiqotga va vazifalarni hal etishga mustaqil yondashuvi.	5
10.	Tadqiq etilayotgan mavzuga doir muammolarni ajratib olish, ularga atroflicha xarakteristika berish va mavzuga doir tushunchalarni tahlil qilish, ularni tasniflash	5
11.	Olingan natijalarning tahlili asosida aniqlangan muammolarning echimlari topilganligi	5
12.	Dissertantning ishga ijodiy yondoshganligi, mustaqil fikrlashi, mavzuga doir muammolar echimini topishda ilmiy yondoshganligi	5
13.	Foydalanilgan ilmiy adabiyotlar, ilmiy nashrlar, me’yoriy- huquqiy hujjatlar, statistik ma’lumotlar, shuningdek xorijiy tillardagi adabiyotlar tanqidiy tahlilining to‘liqligi va chuqurligi.	5
14.	Dissertantning mavzuga oid xorijiy adabiyotlardan, yangi monografiya, yuqori impakt-faktorli nashrlardan, xorijiy ilmiy maqolalardan, internet ma’lumotlardan foydalanganligi uchun	5
15.	Magistrlik dissertatsiyasi mavzusi bo‘yicha xalqaro va respublika miqyosidagi jurnallarda, konferensiya to‘plamlarida nashr etilgan ilmiy ishlariga	5
16.	Tadqiqot usullarining amaliyotda qo‘llanilganligining asoslanganligi	5

17.	Olingan natijalar asosida ishlab chiqilgan xulosa va tavsiyalarning amaliy ahamiyati	5
18.	Magistratura talabasining magistrlik dissertatsiyasi doirasida o‘tkazilgan tadqiqotlar va olingan natijalarni rivojlantirish istiqbollarini ko‘ra bilish qobiliyati	5
19.	Magistratura talabasining magistrlik dissertatsiyasining nazariy va amaliy qismlaridagi o‘zaro mantiqiy bog‘liqlikni kuzata bilish malakasi	5
20.	Dissertantning himoya jarayonida ma’lumotlarni aniq, ravon va tushunarli tarzda etkazib berishi, berilgan savollarga to‘la va to‘g‘ri javob berishi	5