Оliy vа o‘rtа mахsus tа’lim vаzirligi nizomiy nomidagi toshkent davlat pedagogika universiteti

III BOB Oliy ta’lim muassasalarida mutaxassislik fanlari bo‘yicha o‘quv 
ishlarini rejalashtirish 
 
3.1. Mutaxassislik fanlari bo‘yicha o‘quv yuklamalarni hisoblash 
Jismoniy madaniyat ta’lim yo‘nalishida mutaxassislik fanlari bo‘yicha o‘quv 
yuklamalarni hisoblash O‘zbekiston Respublikasi Oliy va o‘rta maxsus ta’lim 
vazirining 2018 yil 10 sentyabrda 20-2018-sonli “Oliy ta’lim muassasasi 
professor-o‘qituvchilar tarkibining o‘quv yuklamasi hamda o‘quv-uslubiy, ilmiy-
tadqiqot va «ustoz-shogird» ishlarini belgilash qoidalarini tasdiqlash to‘g‘risida”gi 
buyrug‘iga asosan oliy ta’lim muassasalari professor-o‘qituvchilarining o‘quv 
yuklamasi hajmini hisoblashning vaqt me’yorlariga muvofiq amalga oshiriladi.
5112000-Jismoniy madaniyat ta’lim yo‘nalishi bo‘yicha mutaxassislik 
fanlari asosan bugungi kunda amaldagi o‘quv rejalarda 2-3-4 bloklarga ajratilgan.
Jismoniy madaniyat ta’lim yo‘nalishi 1-2 kurslarda 2 blok umumkasbiy 
fanlar, 3 blok ixtisoslik fanlari va 4 blok qo‘shimcha fanlar hisoblanadi. 3-4 
kurslarda esa 3 blok umumkasbiy fanlar, 4 blok ixtisoslik fanlari va 5 blok 
qo‘shimcha fanlar hisoblanadi. 
Bulardan tashqari umumkasbiy va ixtisoslik fanlari bloklarida ta’lim 
yo‘nalishi bo‘yicha mutaxassis kadrlarni tayyorlash uchun zarur bo‘ladigan tanlov 
fanlari ham kiritilishi mumkin.
Mazkur bloklardagi umumkasbiy, ixtisoslik, tanlov va qo‘shimcha fanlar 
bo‘yicha o‘quv yuklamalari har bir o‘quv yilining yakunida kelgusi yangi o‘quv 
yili uchun tayyorlanadi.
O‘quv yuklamalarini hisoblashda birinchi navbatda 5112000-jismoniy 
madaniyat ta’lim yo‘nalishida tahsil olayotgan talabalar soni, guruhlar soni va 
potoklar aniqlanishi kerak. 
Oliy ta’lim muassasalarida mutaxassislik fanlari bo‘yicha o‘quv yuklamalari 
ma’ruza, amaliy, laboratoriya va seminar mashg‘ulotlari yuzasidan tayyorlanadi.
Ma’ruza mashg‘ulotlari uchun o‘quv yuklamalar o‘zbek va rus guruhlariga 
alohida potok tarzda hisoblanadi. Bunda guruhlardagi talabalar soni 100 nafardan 
oshmagan birlashgan akademik guruhlarda o‘quv reja va o‘quv dasturlariga 
muvofiq hisoblanadi.
Amaliy va seminar mashg‘ulotlari uchun o‘quv yuklamalar talabalar soni 
odatda 25 nafargacha bo‘lgan har bir akademik guruhlarda alohida hisoblanadi.
Laboratoriya mashg‘ulotlari uchun o‘quv yuklamalar talabalar soni odatda 
12 nafardan 15 nafargacha bo‘lgan har bir kichik guruhlarda alohida hisoblanadi. 
Jismoniy madaniyat ta’lim yo‘nalishida bugungi kunda faqat “Jismoniy tarbiya 
gigiyenasi va sportning tibbiy-fiziologik asoslari” fanidan laboratoriya 
mashg‘ulotlari uchun soatlar ajratilgan bo‘lib, ushbu fan ta’lim yo‘nalishining 
o‘quv rejasiga muvofiq 2-3-4 kurslarda o‘qitiladi.
5112000-Jismoniy madaniyat ta’lim yo‘nalishi bo‘yicha mutaxassislik 
fanlari o‘quv yuklamalarini hisoblash tartibi quyidagicha amalga oshiriladi. 

---

335 
Masalan: