Oliy ta’lim muassasalarida tarkibiy o‘zgartishlar o‘tkazish

2. Kambagʼallikni malakali kadrlar bilan yengamiz!

 

Yurtimiz olimlari tadqiqot ishlari bilan bir qatorda jamiyatimizda roʼy berayotgan oʼzgarishlar, islohotlar boʼyicha ham takliflar ishlab chiqmoqdalar, koʼp yillik tajribalaridan kelib chiqib, mavjud muammolarni hal etish usullari toʼgʼrisida bosh qotirmoqdalar. Mustaqillik yillarida xalq taʼlimi vaziri oʼrinbosari, keyinchalik Nizomiy nomidagi Toshkent davlat pedagogika instituti (hozirda Universitet)ning rektori lavozimlarida faoliyat yuritgan texnika fanlari doktori Bahrom Qodirov respublikada ilk Respublikada ilk bor “Innovatsion texnologiyalar markazi”ni, Universitetda “Magistratura taʼlim markazi”ni tashkil etgan. Respublikada birinchi boʼlib, oliy oʼquv yurtlararo masofadan turib oʼqitish, ilmiy anjumanlar oʼtkazish usullarini yaratdi va amalda joriy qilgan. Koʼp yillik silmiy-pedagogik tajribaga ega ustozdan bilan suhbatimiz avvallari OАVda tilga olinmaydigan jamiyatimiz illati kambagʼallik mavzumi bilan boshlandi.

— Bahrom Gʼofurovich, biz kambagʼal degan soʼzdan uyaladigan xalqmiz. Kambagʼal boʼlish uyatdek, uni yashiramiz. Kasallikni yashirsang, isitmasi oshkor etadi. Аytingchi, kambagʼallik oʼz nima? Kimlarni kambagʼal deyish mumkin?

— Darhaqiqat, muhtaram Prezidentimizning 2020 yil 24 yanvardagi Oliy Majlisga Murojaatnomasida shu soʼz ilk bor katta minbardan tilga olindi-yu, jamiyatimizning bu yashirin kasali haqida gapirish mumkin boʼlib qoldi. Muammo soʼzga koʼchdi, ana endi uni hal etish vaqti keldi. Men oʼzimning 45 yildan ortiq pedagogik faoliyatim davomida hayotning achchiq-chuchugiyu oʼnqir-choʼnqirlarini koʼrdim. Shu boisdan toʼplagan hayotiy tajribalarimdan kelib chiqib, bu boradagi ayrim taklif va fikr-mulohazalarimni bildirmoqchiman. Аvvalo “kambagʼal” kimligini aniqlash aniqlik kiritish uchun har bir mahalla raisi, yoniga uchastka noziri, nuroniylar, xotin-qizlar, yoshlar vakillari va tumandagi raqamli boshqarish boʼyicha masʼul xodimi bilan oʼziga tegishli hududda xonadonma-xonadon yurib har bir oilaning raqamli xaritasini tuzishi, unda: oila aьzolarining familiyasi, ismi-sharifi, yoshi, kasbi, maʼlumoti, ish joyi, mansabi, oladigan maoshi, pensiyasi, stipendiyasi, shu jumladan xorijdan keladigan qushimcha daromad manbalari, shuningdek xar bir oilaning oyda, yilda qiladigan xarajatlari, toʼlovlari (turlari bilan) haqida toʼliq maʼlumotlarini toʼplashi lozim. Bu raqamli boshqarishning boshlangʼich manbai boʼladi.

Shunda respublika rahbariyati va mutasaddi tashkilotlar toʼplangan maʼlumotlar asosida “kambagʼallik”ni aniqlash, uning sababini va uni qanday, qancha muddatda yechish mumkinligini kategoriyalari boʼyicha yilma-yil amalga oshirish choralarini belgilashi va doimiy ravishda mahalla, qishloq, tuman, viloyat qolaversa respublika miqyosida raqamli boshqaruv nazoratini olib borish imkoniyatiga ega boʼladi.

—