Oliy ta’lim muassasalarida dasturlash tillarini o‘qitish samaradorligini oshirish uchun tayaniladigan tamoyillar

- ilmiylik tamoyili. Ushbu tamoyil ilm-fan sifatida informatika fanining predmeti va mazmunini hisobga olishni talab etadi. Bu borada A.P.Ershov informatika fanining asosiy ilmiy yo‘nalishlarini quyidagi yo‘nalishlarga ajratgan: algoritm nazariyasi va mantiq algebra, dasturlash, hisoblash tajribasi nazariyasi, hisoblashning nazariy asoslari, statistik axborot nazariyasi, sun’iy intellekt, sonli usullar, ma’lumotlar tuzilmalari nazariyasi, ma’lumotlar bazasi nazariyasi, hisoblash tizimlari uchun dasturiy ta’minot, hisoblash tizimlari uchun texnik vositalar, modellashtirish, interaktiv tizimlar, o‘quv tizimlar, sun’iy intellekt [3].
- didaktik tamoyili. Ushbu tamoyil dasturlash sohasining asosiy tarkibiy elementlari va semantik birliklari didaktik ma’noda qayta ko‘rib chiqilgan o‘quv intizomiga o‘tkazilishini anglatadi [4]. Ilmiy bilim tizimini didaktik qayta ishlashda iloji bo‘lsa nazariyaning asosiy elementlarini saqlab qolish va ushbu elementlarning mohiyati va ular o‘rtasidagi munosabatlarning mohiyatini ochib berish uchun sharoit yaratish kerak, chunki “tuzilish maqsadlar va o‘quv natijalarini taqqoslash uchun standart bo‘lib xizmat qilishi lozim” [5].
- ta'lim mazmunining birligi tamoyili. Ushbu tamoyil kelajakdagi o‘qituvchining pedagogik faoliyati uchun ilmiy asos bo‘lib xizmat qiladigan hamda o‘quv fanlarini o‘qitish mazmunini bir-biri bilan integratsiyalash zarurligini belgilaydi [6].
- istiqbollilik tamoyili. Ushbu tamoyil yaqin kelajakda rivojlanadigan yoki kelajakdagi fan bo‘limlari uchun asos bo‘ladigan mavzularni kiritishni o‘z ichiga oladi [6]. Buning natijasida, kelajakda axborot texnologiyalari sohasi bo‘yicha mutaxassislarning zamon talablariga mos holda tayyorlash imkonini beradi.
- minimallashtirish tamoyili. Ushbu tamoyil zaruriy minimal ma’lumotni o‘z ichiga olgan dasturlash intizomini talab etadi [4]. Ma’lumki, tobora ko‘payib borayotgan axborot hajmi va o‘zgaruvchan ilmiy sohalar mazmuni o‘quv materialini sinchkovlik bilan tanlashni talab qiladi.