Oliy ta’lim muassasalari rahbar va pedagog kadrlarining malakasini oshirish tizimini yanada takomillashtirish bo‘yicha qo‘shimcha chora-tadbirlar to‘G‘risida

Oliy ta’lim muassasalarining rahbar va pedagog kadrlarini qayta tayyorlash va malakasini
oshirish markazlarida samarali dars berayotgan professor-o‘qituvchilar, tajribali amaliyotchi
mutaxassislarni rag‘batlantirish tartibi to‘g‘risida
NIZOM

---

1-bob. Umumiy qoida
1. Mazkur Nizom oliy ta’lim muassasalarining rahbar va pedagog kadrlarini qayta tayyorlash va
malakasini oshirish markazlarida samarali dars berayotgan professor-o‘qituvchilar, tajribali
amaliyotchi mutaxassislarni (keyingi o‘rinlarda markaz pedagoglari deb ataladi) rag‘batlantirish
tartibini belgilaydi.
2-bob. Markaz pedagoglarining o‘quv yili davomidagi faoliyati tahlili
2. Markaz pedagoglarining o‘quv yili davomidagi faoliyati tahlili quyidagi asosiy yo‘nalishlarda
amalga oshiriladi:
o‘quv-metodik faoliyat;
ilmiy-tadqiqot faoliyati.
3. Markaz pedagoglari faoliyatini baholash uchun 5 — 7 kishidan iborat maxsus Ishchi guruh
har yili 15-yanvarga qadar shakllantiriladi. Ishchi guruh tarkibi tegishli oliy ta’lim muassasasi rektori
(Bosh ilmiy-metodik markaz direktori) buyrug‘i bilan tasdiqlanadi va unga mazkur ta’lim
muassasasi o‘quv ishlari bo‘yicha prorektori, markaz direktori, ta’lim sifatini nazorat qilish bo‘limi
xodimlari, kafedra mudirlari hamda tajribali pedagog xodimlari kiritiladi. Ishchi guruh faoliyati yil
davomida amalga oshiriladi.
Ishchi guruhga oliy ta’lim muassasasi rektori (Bosh ilmiy-metodik markaz direktori) rahbarlik
qiladi.
Markaz pedagoglarining o‘quv yili davomidagi faoliyati Ishchi guruh tomonidan mazkur
Nizomning 
ilovasida 
keltirilgan mezonlarga muvofiq ko‘rib chiqiladi va baholanadi.
Ushbu Nizomning 
ilovasida 
keltirilgan mezonlarni aks ettiruvchi hujjatlar va materiallarni
to‘plash majburiyati pedagog kadrlarning zimmasiga yuklatiladi.
Pedagog kadrlar tomonidan asoslovchi hujjatlar va materiallar Ishchi guruhga yil yakunlari
bo‘yicha taqdim etiladi.
4. Baholash natijalari asosida markaz pedagoglariga to‘plagan reyting ballaridan kelib
chiqqan holda rag‘batlantirish foizlari belgilanadi va har yili 15-noyabrga qadar Ishchi guruh
bayonnomasi bilan rasmiylashtiriladi.
Ishchi guruh bayonnomasi a’zolarning kamida 2/3 qismi tomonidan qo‘llab-quvvatlanganidan
so‘ng tasdiqlanadi.
5. Ishchi guruhning bayonnomasi asosida har yili 25-noyabrga qadar markaz pedagoglarini
rag‘batlantirish to‘g‘risidagi markaz direktorining buyrug‘i qabul qilinadi.