Oliy taʼlim muassasalari Odob-ahloq va Ichki mehnat tartib Qoidalarini quyidagi normalar bilan toʻldirish tavsiya etiladi

Oliy taʼlim muassasalari Odob-ahloq va Ichki mehnat tartib Qoidalarini quyidagi normalar bilan toʻldirish tavsiya etiladi:

1. 
   Professor-oʻqituvchi, talabalar va barcha xodimlarning majburiyatlari qismiga:
   

universitetda xotin-qizlarga nisbatan yuksak hurmat va ehtirom koʻrsatish;
xotin-qizlarning huquqlari, erkinliklari hamda qonuniy manfaatlari hurmat qilish;
xotin-qizlarga nisbatan tazyiq va zoʻravonlikning har qanday koʻrinishiga chek qoʻyish boʻyicha birgalikda harakat qilish.

2. 
   Professor-oʻqituvchi, talabalar va barcha хodimlarning huquq va majburiyatlari (xotin-qizlarga taalluqli) qismiga:
   

xotin-qizlarga nisbatan tazyiq va zoʻravonlikning har qanday koʻrinishidan himoyalanish huquqi;
oʻziga nisbatan sodir boʻlayotgan tazyiq va zoʻravonlik haqida Oliy va oʻrta maxsus taʼlim vazirligining (himoya_otv_bot) himoya tarmogʻi orqali yoki huquqni muhofaza qiluvchi organlarga murojaat qilish.

3. 
   Ish beruvchilarning (rektor, filial direktorlari) majburiyatlari qismiga:
   

universitetda xotin-qizlarga nisbatan tazyiq va zoʻravonlikka doir murosasizlik muhitini yaratish;
xotin-qizlarning huquqlari, erkinliklari hamda qonuniy manfaatlari tazyiq va zoʻravonlikdan himoya qilinishini taʼminlash;
xotin-qizlarga nisbatan tazyiq va zoʻravonlikning oldini olish, ularni aniqlash, ularga chek qoʻyish uchun samarali usullardan foydalanish;
xotin-qizlarga nisbatan tazyiq va zoʻravonlik sodir etilishiga olib keladigan sabablar hamda shart-sharoitlarni bartaraf etish choralarini koʻrish;
xodimlar va talabalar orasidan xotin-qizlarga nisbatan tazyiq oʻtkazish va zoʻravonlik sodir etishga moyil shaxslarni aniqlash hamda ularning xulq-atvorini tuzatish choralarini koʻrish;
xotin-qizlarni tazyiq va zoʻravonlikdan himoya qilishga vakolatli organlar hamda tashkilotlar bilan hamkorlik qilish.

4. 
   Ichki mehnat tartibi qoidalarida Xodim bilan tuzilgan mehnat shartnomasini bekor qilishga olib kelishi mumkin boʻlgan mehnat vazifalarini bir marta qoʻpol ravishda buzishlar (MKning 100-moddasi 2-qismi 4-bandi)ning roʻyxatiga “xotin-qizlarga nisbatan tazyiq va zoʻravonlik sodir etish” holatini kiritish.