Olimov umidjon mavzu: ijara shartnomasi

17-модда. Мулкни ижарага берувчига қайтариш
Ижара шартномаси тўхтатилгач, ижарачи мулк, ер ва бошқа табиий ресурсларни шартномада айтиб ўтилган ҳолатда ижарага берувчига ўз вақтида қайтаришга мажбурдир. Агар ижарачи ижарага олинган мулкнинг ҳолатини ёмонлаштирган бўлса ёки уни ўз вақтида эгасига қайтармаса, шунинг оқибатида етказилган зарарни ижарага берувчига тўлашга мажбурдир.
18-модда. Ижарага олинган мулкни сотиб олиш
Ижарачи ижарага олинган мулкни ижарага берувчининг розилиги билан тўла ёки қисман сотиб олиши мумкин, ер ва бошқа табиий ресурслар бундан мустаснодир. Давлат мол-мулки Ўзбекистон Республикаси қонунларига мувофиқ тарзда сотиб олинади.
Ижарага олинган мол-мулкни сотиб олиш ижарачининг ўз маблағлари, шу жумладан ижара шароитида хўжалик фаолиятини олиб боришдан келган даромадлар, ижарачига қарашли мол-мулкни сотишдан тушган пул, шунингдек кредитлар ҳамда амалдаги қонунларга зид бўлмаган усуллар билан қўлга киритилган бошқа молиявий маблағлар ҳисобидан амалга оширилади.
Ижарага олинган мол-мулкни сотиб олиш учун давлат бюджети маблағларидан фойдаланиш мумкин эмас.
Ўзбекистон Республикасининг қонун ҳужжатларида ижарага олинган мулкни сотиб олиш чекланадиган ёки бунга рухсат этилмайдиган ҳоллар кўзда тутилиши мумкин.
19-модда. Сотиб олиш шартномаси
Мол-мулкни сотиб олиш юзасидан томонларнинг муносабатлари қонунлар ва шартнома билан тартибга солинади. Сотиб олиш шартномасида:

• 
  сотиб олинаётган мол-мулкнинг таркиби ва пул (қиймат) баҳоси;
  
• 
  сотиб олиш шакллари ва манбалари;
  
• 
  сотиб олиш тартиби ва муддатлари;
  
• 
  сотиб олишда учинчи шахсларнинг, жумладан кредиторларнинг қатнашуви;
  
• 
  кафолатлар ва сотиб олинаётган мол-мулкнинг сифати;
  
• 
  Ўзбекистон Республикаси қонунларига зид бўлмаган бошқа қоидалар белгилаб қўйилади.
  

Сотиб олиш шартномаси мажбуриятларини бажармаганлик ёки лозим даражада бажармаганлик учун, шу жумладан шартномани бир томонлама ўзгартирганлик ва бекор қилганлик учун томонлар Ўзбекистон Республикаси қонунларида ва сотиб олиш шартномасида белгилаб қўйилган тарзда жавобгар бўладилар.
Сотиб олиш шартномасини тузиш ва уни бажариш чоғида келиб чиқадиган низолар тегишли суд томонидан кўриб чиқилади.