Олий ва ўрта маҳсус таълим вазирлиги наманган муҳандислик технология институти “маркетинг” кафедраси

II БОБ. НАМАНГАН МУҲАНДИСЛИК-ҚУРИЛИШ ИНСТИТУТИДА ТАЪЛИМ ХИЗМАТИНИ ТАШКИЛ ЭТИЛИШИ ТАҲЛИЛИ


2.1. Наманган муҳандислик-қурилиш институтининг умумий тавсифи

Азалий кўркам ва гуллар шаҳри Наманган истиқлол йилларида янада обод ва файзли бўлиб бормоқда. Айниқса мамлакатимиз ва халқимизни нурафшон келажакка элтувчи Таълим тўғрисидаги Қонун ва кадрлар тайёрлаш миллий дастурини ҳаётга татбиқ этиш борасида амалга оширилаётган эзгу ишларда вилоят олий таълим муассасаларининг алоҳида ўрни ва ҳиссаси бор.

Наманган муҳандислик-қурилиш институтининг тамал тоши асли 1979-йил қўйилган. У 12 йил давомида минтақанинг малакали муҳандис кадрларга эҳтиёжи катта бўлсада, тоталитар тузум сиёсати туфайли марказий институтлар, хусусанТошкент политехника ва Тошкент машинасозлик институтларининг филиали бўлиб келди. Шунга қарамай бу ерда, меҳнат қилган педогогик жамоа аъзоларининг фидокорона меҳнатлари ва самарали илмий изланишлар олиб борганларибоис ёшларга илм-фан асослариҳамда мутахассисликлари сирлари пухта сингдирилди, ҳар томонлама етук кадрлар тайёрланиб етиштирилди. Бунинг исботини айни чоғда вилоят ва минтақада ишлаётган 10 мингдан зиёд мутахассис кадрлар шу филиалнинг собиқ талабалари эканлигида кўриш мумкин.
Ўзбекистон Республикаси Вазирлар Маҳкамасининг 1991 йил 29 мартдаги 75-сонли Қарори билан Тошкент машинасозлик институтининг Наманган филиали асосиида Наманган саноат-технология институти номи билан ташкил этилган. Сўнгра, Наманган саноат-технология институти Ўзбекистон Республикаси Вазирлар Маҳкамасининг 1998 йил 24 февралдаги “Академик лицей ва касб-ҳунар коллежларини ташкил этиш ва улар фаолиятини бошқариш тўғрисида”ги 77-сонли Қарорига асосан Наманган муҳандислик-педогогика институтига айлантирилган.
Ўзбекистон Республикаси Президентининг 2017 йил 20 апрелдаги “Олий таълим тизимини янада ривожлантиришчора-тадбирлари тўғрисида”ги 2909-сонли қарорига асосан Наманган муҳандислик-қурилиш институтига айлантириш ва унинг ихтисослашувини ўзгартириш белгиланган бўлиб, Ўзбекистон Республикаси Вазирлар Маҳкамасининг 2017 йил 25 июлдаги “Наманган муҳандислик-қурилиш институти фаолиятини ташкил этиш тўғрисида”ги 540-сонли қарорига мувофиқ 2017-2018 ўқув йилидан Наманган муҳандислик-қурилиш институти сифатида ўз фаолиятини олиб бормоқда.
Таълим муассасаси ректори – Эргашев Шариббой Тўланович.
Илмий ишлар ва инновациялар бўйича проректор – Умархонов Саъдиллахон Исматуллаевич.
Қ уйидаги расмда эса Наманган муҳандислик-қурилиш институтининг бошқарув твркибий тузилмаси берилган (1-расм).