Олий ва ўрта махсус таълим

Молия вазирлиги Ғазначилигининг асосий вазифалари

давлат бюджетининг касса ижроси, жумладан, даромадларни турли даражадаги бюджетлар ўртасида тақсимлаш, бюджетдан маблағ олувчиларнинг харажатлар сметалари ижроси ва давлат бюджети ижроси тўғрисида ҳисобот тузиш

давлат бюджети маблағларини ягона ғазначилик ҳисобрақами, шунингдек тегишли бюджетлар даромадлари ва харажатлари ўртасидаги касса узилишларининг олдини олишни таъминлайдиган ҳудудий ғазначилик ҳисобрақамларини жорий этиш орқали бошқариш

бюджет ташкилотларининг товар(иш, хизмат)лар етказиб берувчилар билан шартномаларини, шунингдек давлат бюджети маблағлари ҳисобидан капитал қурилиш бўйича буюртмачиларнинг шартномалари харажатлар сметасида кўрсатилган суммалар ва мақсадларга қатъий мувофиқ равишда тузилиши устидан қаттиқ назорат ўрнатиш асосида шартномаларни мажбурий рўйхатдан ўтказиш тартибини жорий етиш орқали бюджет ташкилотларининг асоссиз харажатларининг олдини олиш
бюджет ташкилотларини, шу жумладан, мудофаа ва хавфсизлик тузилмаларини молиялашга йўналтириладиган бюджет маблағларидан фойдаланишни мақбуллаштириш устидан мониторингни амалга ошириш, бунда улар томонидан тузилаётган шартномаларнинг сифати таъминланишини, уларнинг мақсадга мувофиқлиги ва нарх-наво ечимини назарда тутиш ҳамда воситачилик хизматларидан воз кечиш

харажатлар сметаси ва рўйхатга олинган шартномаларда назарда тутилган қатъий суммалар доирасида товар(иш, хизмат)лар етказиб берувчиларнинг бевосита ҳисобрақамларига бюджет маблағлари олувчилар номидан ва уларнинг топшириғи бўйича тўловларни амалга ошириш орқали тўлов интизомига сўзсиз риоя этилиши устидан таъсирчан назоратни таъминлаш

давлат бюджети ғазна ижросининг бухгалтерия ҳисоби ва ҳисоботини юритиш, давлат бюджети ижроси ҳақида ахборот йиғиш, қайта ишлаш ва таҳлил қилиш, шунингдек Ўзбекистон Республикасининг давлат ички ва ташқи қарзларига хизмат кўрсатиш, Ўзбекистон Республикаси кафолатларини ижро этиш

3.3-расм. Молия вазирлиги Ғазначилигининг асосий вазифалари¹

¹ Ўзбекистон Республикаси Президентининг “Давлат бюджетининг ғазна ижроси тизимини янада ривожлантириш чора-тадбирлари тўғрисида”ги ПҚ-594-сон (28.02.2007) Қарори асосида

• 
  харажатлар сметаси ва рўйхатга олинган шартномаларда назарда тутилган қатъий суммалар доирасида товар(иш, хизмат)лар етказиб берувчиларнинг бевосита ҳисобрақамларига бюджет маблағлари олувчилар номидан ва уларнинг топшириғи бўйича тўловларни амалга ошириш орқали тўлов интизомига сўзсиз риоя этилиши устидан таъсирчан назоратни таъминлаш;
  
• 
  давлат бюджети ғазна ижросининг бухгалтерия ҳисоби ва ҳисоботини юритиш, давлат бюджети ижроси ҳақида ахборот йиғиш, қайта ишлаш ва таҳлил қилиш, шунингдек Ўзбекистон Республикасининг давлат ички ва ташқи қарзларига хизмат кўрсатиш, Ўзбекистон Республикаси кафолатларини ижро этиш.
  

Молия вазирлиги Ғазначилиги марказий аппаратининг ташкилий тузилиши 3.4-расмда кўрсатилган бўлиб, Ўзбекистон Республикаси молия вазирига зарур ҳолларда Ғазначиликнинг марказий аппарати ва унинг бўлинмалари тузилмасига молия органлари бошқарув ходимларининг белгиланган сони доирасида ўзгартишлар киритиш ҳуқуқи берилган.
Бугунги кунга келиб Ғазначилик ва унинг ҳудудий бўлинмалари штатлари шакллантирилган бўлиб, марказий Ғазначиликка 92 та, Ғазначилик ҳудудий бўлинмаларига 2261 та, жами Ғазначилик тизимига 2353 та штат бирлиги ажратилган. Лекин давлат бюджети ғазна ижроси билан қамраб олинаётган жараёнларни ҳисобга оладиган бўлсак, ғазначилик орқали бюджет даромадлари ва харажатлари ижроси, бюджетдан ташқари мақсадли жамғармаларнинг даромад ва харажатлари ижроси, бюджет ташкилотларининг бюджетдан ташқари маблағлари тушуми ва сарфи ижроси амалга оширилаётганлигини, бу билан боғлиқ бўлган иш ҳажмининг ортиб бораётганлигини ҳисобга олиб, Ғазначилик амалиёт бошқармалари бўлинмалари штатлари сонини қайта кўриб чиқиш зарурлигини эътироф этиш лозим.