Олий ва ўрта махсус таълим

4.2-расм. Даромадларнинг давлат бюджетига тушишининг амалдаги тартиби чизмаси¹

2009-2011 йиллар мобайнида юқорида номи келтирилган ПҚ-721- сонли қарорига мувофиқ, республикада “Давлат молия тизимини бошқаришнинг информацион тизими” деб номланган замонавийлаш- тирилган амалий дастур билан таъминлаш режалаштирилган. Мазкур дастур ёрдамида бутун республика ҳудудида давлат бюджети ғазна ижросини, шу жумладан, давлат бюджетининг даромад қисмининг ғазна ижросини таъминлаш билан боғлиқ барча жараёнларни қамраб олишга имконият яратилади.

Юқорида келтирилган чизмада давлат бюджетининг даромадлар қисмини ташкил қилувчи молиявий ресурсларнинг “Ғазначилик” дастурий мажмуаси ишга тушгунга қадар амал қилиб келган ҳаракати кўрсатилган (4.2-расм).
Расмда кўрсатилган тартиб бўйича 2012 йилгача бўлган даврда бюджет тизими бюджетларининг барчаси учун бирдек очиқ бўлган транзит тарзда ҳаракатланиши мумкин бўлган даромад ва тушумлар сақланадиган махсус ҳисоб-китоб рақамлари орқали даромад ва тушумлар кирим қилиниб келинди. 2011 йилнинг охирига келиб давлат бюджети маблағларини ягона ғазна ҳисобварағига ўтказиш чора-тадбирлари амалга оширила бошланди. Бу даврда Ўзбекистон Республикаси “Давлат бюдже- тининг ғазна ижроси тўғрисида”ги қонуни талабларидан келиб чиқиб, 2012 молия йилининг 1 январидан бошлаб давлат бюджетининг даромадлари ва





¹ Ўзбекистон Республикаси Молия вазирлиги Ўқув маркази ўқув материаллари асосида.
харажатлари Ғазначиликнинг Ягона ғазна ҳисобварағидан амалга оширилишига асосланган тартиблар йўлга қўйилди.
Ушбу тартибга кўра, юридик ва жисмоний шахслар томонидан давлат бюджетига ўтказиладиган солиқлар ва мажбурий тўловлар банклар томонидан қабул қилинади ва белгиланган тартибда 23402, 23403, 23407,
23409, 20207, 20205 ва 23411-сонли баланс ҳисобварақларда очилган шахсий ҳисобрақамларга (ШҲР) кирим қилинади ва улар ҳисобидан тегишли бюджетлар ва Давлат мақсадли жамғармалари ҳисобига белгиланган миқдорларда ажратмаларни амалга ошириш тартиби 2012 йилнинг 1 январидан бошлаб жорий этилди. Бунинг натижасида тегишли бюджетлар даромадлари, шу жумладан, давлат мақсадли ва бошқа бюджетдан ташқари жамғармалари даромадлари ҳисоби “Ғазначилик” дастурий мажмуида улар учун очиладиган тегишли шахсий ғазна ҳисобварақларида юритиладиган бўлди (4.3-расмга қаралсин).