Олий ва ўрта махсус таълим

эълон – савдолар муддатлари ва талаблари тўғрисида буюртмачи томонидан махсус ахборот порталида жойлаштирилган маълумотлар хабари;
электрон аукцион савдолар –бошланғич нархни пасайтириш юзасидан очиқ аукцион шаклида ўтказиладиган, буюртмачилар томонидан белгиланган мезонлар ва шартлардан келиб чиқиб товар (ишлар, хизматлар) мақбул етказиб берувчисини танлаш усулини ўзида ифодалайдиган электрон савдолар;
электрон аукцион савдолар предмети – товарлар, ишлар ва хизматлар;
электрон тизим – барча манфаатдор шахслар қатнашиши мумкин бўлган савдолар ўтказилишини таъминлайдиган дастурий-техник комплексдан фойдаланиш воситасида етказиб берувчилар ўртасида товарлар (ишлар, хизматлар)ни харид қилишга буюртмаларни жойлаштириш тизими.
фойдаланувчининг якка тартибдаги рақами – биржанинг ҳисоб- китоб-клиринг палатаси томонидан буюртмачилар ва етказиб берувчиларга уларнинг белгиланган тартибда биржанинг ҳисоб-китоб-клиринг палатасининг талаб қилиб олингунгача иккиламчи депозит ҳисоб рақамига ўтказиладиган аванс тўловларини ҳисобга олиш учун бериладиган якка тартибдаги рақам;
Ғазначилик – Ўзбекистон Республикаси Молия Вазирлиги таркибидаги давлат ижроия органи.
ғазначилик бўлинмалари – Ўзбекистон Республикаси Молия вазирлиги Ғазначилиги, Қорақалпоғистон Республикаси, вилоятлар ва
Тошкент шаҳри бўйича ғазначилик бошқармалари, туманлар ва шаҳарлар бўйича ғазначилик бўлинмалари;
Ғазначилик бош китоби – бюджет операциялари бухгалтерия ҳисобини юритишнинг компьютерлаштирилган тизими бўлиб, унда давлат ташкилотлари ва муассасалари билан бўладиган барча молиявий операциялар ўз ифодасини топади;
ғазначилик мемориал ордери – маблағларни бир шахсий ғазна ҳисобварағидан бошқа шахсий ғазна ҳисобварағига ўтказиш учун фойдаланиладиган тўлов ҳужжати;
Ғазначиликнинг ахборот тизими – бюджет операциялари бўйича кодлаштирилган ва таснифланган маълумотлар асосида ишловчи давлат маблагларини бошқаришнинг ягона автоматлаштирилган тизими;