Олий ва ўрта махсус таълим вазирлиги ўзбекистон республикаси соғЛИҚни сақлаш вазирлиги тиббий таълимни ривожлантириш маркази

1.Ўқув дастури умумий талаблари

Дастур номи	Юқумли касалликлар
Ажратилган соат	90
Мавзулар сони	13
Дастурнинг мақсади	Юқумли касалликларни олдини олиш, микробиологик тахлиллар ўтказиб, касаллик қўзғатувчиларни турини аниқлай олиш, ферментатив хусусиятлари натижаларига асосланиб, якунловчи ташҳис қўйиш, инфекция тарқалишини олдини олиш чораларини кўра билиш, ҳар томонлама мукаммал билимга эга бўлган ҳолда, соғлом турмуш тарзини тарғибот қилиш.
Ўзлаштириш (ўқитиш) натижалари	беморларни даволаш ва парваришлаш асосларини амалга оширишни ўрганади; лаборатор таҳлилларни ўқий олишни ўрганади; юқумли касалликларни олдини олишда касаллик ўчоғида эпидемияга қарши ишларни амалга оширишни ўрганади; соғлом турмуш тарзини ва инфекцион назорат қоидаларини тарғибот қилишни ўрганади.
Билимлар	юқумли касалликларни келиб чиқиш сабаблари ва аҳоли ўртасида тарқалишини олдини олиш чора-тадбирлари; инфекцион жараён ҳақида тушунча, юқумли касалликлар таснифи ва белгилари; Ўзбекистон Республикаси ССВнинг амалдаги буйруқлари билан танишиш; ичак, нафас аъзолари, қон ва ташқи қопламлар касалликларини этиологияси ва эпидемиологияси, асосий клиник белгилари ва асоратлари, лаборатор текшириш усуллари; юқумли касалликларни олдини олиш, ўчоқларда ўтказиладиган профилактик ва карантин чора-тадбирлари; эмлаш учун ишлатилган препаратларнинг яроқлигини текшириш, қўллаш, режали эмлашни ташкил этиш ва ўтказиш қоидалари;
Кўникмалар	Ўқув тренажёр хонасида амалий кўникмаларни техника хавфсизлиги қоидаларига риоя қилган холда мустақил бажариш; беморларни қабул қилиш ва тиббий хужжатларни тўлдириш; беморлардан лаборатория текшируви учун материал олиш; эмлаш календар схемаси, махсус профилактика ишларини ўрганиш; жорий ва профилактик дезинфекция ўтказиш. беморнинг тери, кўзи, томоқ – шиллиқ пардасини кўздан кечириш; гипертермияда биринчи тиббий ёрдам кўрсатиш; бемор хонасини зарарсизлантириш; қулоқ олди сўлак бези, лимфа тугунларини пайпаслаб кўриш; бемордан эпидемиологик ва клиник анамнез йиғиш; иситмалаётган бемордан қон олиш, қалин қон томчиси ва суртмасини тайёрлаш; ҳайвон тишлаган одамларнинг жароҳат яраларини бирламчи жарроҳлик тозаловидан ўтказиш; ДСНЭМга шошилинч хабарнома бериш; куйдиргида бемордан текшириш материалини олиш ва лабораторияга юбориш; вакцина ва гаммаглобулин юбориш; касаллик ўчоғида ўтказиладиган чора – тадбирларни амалга ошириш; Zoom дастури асосида ахборот технологияларидан фойдаланиб, мавзуларни мустақил ўзлаштириш.
Ўқув режасига мувофиқ ўзаро боғлик бўлган МОДУЛ номи	“Фармакология ва рецептура” “Анатомия, физиология ва патология” “Клиник лаборатория текшириш усуллари” “Дезинфекция иши” “Фавқулотда холатлар тиббиёти” “Микробиология ва эпидемиология асослари” “Ҳамширалик иши асослари”
Ўқитишнинг ташкилий шакли	Н –назарий таълим; А –амалий таълим; НA –биргаликда ташкил этилган назарий ва амалий машғулотлар; MX –махсус хоналарда машғулот.
Дастурга қўйилган талаб	Мажбурий
Ўқитиш тили	Гуруҳга тайинланган дарс тили асосида
Баҳолаш тартиби	Жорий баҳолаш тартибига асосланиб
Ўқувчиларнинг билим ва кўникмаларини баҳолаш	Ёзма,оғзаки, савол-жавоб, мунозара, тест, амалий топшириқ