Олий ва ¤рта махсус таълим вазирлиги

4. Jamlovchi son – narsalarning miqdorini jamlab ko`rsatadigan sonlardir. Ular ikkidan o`ngacha bo`lgan sonlarga –ov, ala, ovlon qo`shimchalarini qo`shish bilan yasaladi: uchov, to`rtov, beshov, oltov, beshala, uchala, ikkalasi, ikkovlon, oltovlon.

Jamlovchi sonlar ot xarakteridagi son xisoblanadi Ular gapda otlar kabi qo`llanadi, otga xos egalik, kelishik qo`shimchalarni oladi: Beshovi keldi. To`rtalasiga berildi.

5.Taqsim son - narsalarning miqdorini taqsimlab ko`rsatadigan sonlardir. Ular –tadan qo`shimchasi yordamida yasaladi: ikkitadan, beshtadan. o`ntadan. Bundan tashqari dona sonlarni takrorlash orqali ham taqsim son hosil bo`ladi: ikkita-ikkita o`tirishibdi; o`nta-o`ntadan kitob berildi.

Nutqda taqsim sonlarni dona sonlardan farqlash lozim: O`quvchilarning har uchtadan bittasi o`quv yilini a’loga yakunladi. Bu gapla taqsimlash ma’nosi ifodalanmagan.

6.Butun son – butun miqdorni ifodalovchi sonlardir: bir, yuz , o`n besh, yigirma olti.

7. Kasr son – butun miqdorning qismini ifodalovchi sonlardir: ikkidan bir, o`ndan sakkiz, to`qqizdan bir, shuningdek, yarim, chorak, nimchorak.