Олий ва ¤рта махсус таълим вазирлиги

Uyushiq ega. Bir sodda gap tarkibida birdan ortiq ega qator kelishi mumkin. Ular o`zaro tenglanish munosabatida bo`lib, gapda bitta kesimga tobelanadi: Siz bilan biz ulug` ishga bel bog`ladik. Tiniq suvlar, ko`m-ko`k daraxtlar unga cheksiz zavq vag`ishlaydi.

Uyushiq egalar zidlov bog`lovchisidan tashqari teng bog`lovchilar bilan yoki sanash ohangi bilan bog`lanadi: Goh shamol, goh bo`ron turardi. Na siz na men gapirdik. Gul va maysalar ko`kardi. Qurilishga g`isht, tsement va bo`yoqlar keltirildi. Uyda xizmatkorlar, mardikorlar ishlab yotishibdi.

Uyushiq hol. Bir xil mazmun munosabatni bildirgan bir necha hollarning o`zaro sanash ohangi yoki teng bog`lovchilar bilan birikib kelishi uyushiq holni tashkil qiladi: Hamma issiqdan bo`shashib, jim, yalqovgina ishlaydi. Bog`larda va dalalarda ko`klam nafasi kezadi.

Ba’zan gapda payt yoki vaziyat hollari ketma–ket qo`llanadi, bunda ular uyushgan sanalmaydi: Biz bugun tongda yo`lga chiqamiz. U vazifani qunt bilan berilib bajaradi.