Олий ва ўрта махсус таълим вазирлиги мирзо улуғбек номидаги ўзбекистон миллий университети ҳ. П. Абулқосимов, М.Ҳ. Абулқосимов иқтисодиёт қисқача изоҳли луғат «noshirlik yog‘dusi»

Иқтисодий нофаол аҳоли – ишчи кучи таркибига кир
-
майдиган меҳнатга қобилиятли аҳоли. Унинг жумласига 
қуйидагилар киради: 1. Ишлаб чиқаришдан ажралган ҳолда 
таълим олаётган ўқувчилар ва талабалар, ўқув юртларининг 
тингловчилари ва курсантлари; 2. Уй хўжалигини юритишда, 
болаларни, бемор қариндошларини парвариш қилишда банд 
бўлганлар ва агар даромад келтирадиган иш таклиф қилинса, 
шу ишга киришиш имконига эга бўлмаган бошқа шахслар; 
3. Ишлашни истамаётган, иш билан ихтиёрий равишда банд 
бўлмаган шахслар шунингдек, ишлашни хоҳлайдиган, лекин 
ишга жойлашиш ёки ўзини мустақил даромад билан таъмин
-
лаш учун ҳеч қандай ҳаракат қилмайдиган шахслар.
Иқтисодий ресурслар – маълум даврда маълум бир 
мамлакат ихтиёрида тўпланган ва мавжуд бўлган ишлаб 
чиқариш, хизмат кўрсатиш, уларни истеъмолчиларга етказиб 
бериш ва истеъмол жараёнларида қўлланилиши мумкин 

---

184
бўлган воситалар, имкониятлар ва манбалардир. Иқтисодий 
ресурсларнинг меҳнат, ер(табиий), капитал ва тадбиркорлик 
қобилияти, ахборот каби турлари мавжуд.
Иқтисодий ривожланиш – кўп ўлчамли жараён бў
-
либ, жамиятнинг ижтимоий, иқтисодий ва маънавий 
тараққиётида ўз ифодасини топади.
Иқтисoдий ривoжланиш самарадoрлиги
 –
иқтисо-
диётни ривожлантириш натижаларининг бу борада қилинган 
сарф -харажатларга нисбати.
Иқтисoдий ривoжланиш суръатлари
 –
мамлакат 
ижтимоий-иқтисодий кўрсаткич ва натижаларининг миқдор 
жиҳатидан кўпайиши ва сифат жиҳатидан такомиллашуви 
даражаси.
Иқтисодий сиёсат – мамлакат мақсадлари, вазифалари, 
манфаатларига мувофиқ ҳолда иқтисодий ва ижтимоий жа
-
раёнларга муайян йўналиш бериш, иқтисодиётни давлат то
-
монидан тартибга солиш ва бошқариш соҳасидаги давлат, 
ҳукумат фаолиятининг бош йўналиши, тадбирлари тизими. 
Иқтисодий сиёсат саноат, аграр, таркибий, инвестиция, мо
-
лия-кредит, ижтимоий, ташқи иқтисодий фаолият, илмий – 
техника, солиқ, бюджет ва бошқа соҳалардаги сиёсатларни 
ўз ичига олади.