Олий ва ўрта махсус таълим вазирлиги мирзо улуғбек номидаги ўзбекистон миллий университети

Экологик барқарорлик инсон фаолияти ва табиат «инжиқлик»лари (зилзила, тошқин, сунами ва ҳ.к.)нинг атроф-муҳитга салбий таъсир этмайдиган даражаси, яъни маълум бир ҳудуд, кенглик ва минтақада экологик хавфсиз муҳит ҳолатини бир меъёрда ушлаб туриш.
Экологик жавобгарлик экологик хавфсиз муҳитни таъминлашдаги давлат, жамият ва шахсларнинг ҳозирги ҳамда келажак авлодлар олдидаги бурчлари ва мажбуриятлари, шунингдек, уларни бажармаслиги туфайли юзага келадиган ижтимоий-иқтисодий ва юридик характердаги салбий оқибатлар.
Экологик жамғарма атроф-муҳит муҳофазаси ва санитар-гигиеник ҳолатини яхшилашга қаратилган тадбирларни (дастур, режа, ло­йиҳа, конференция, мунозара, учра­шув, миссия) молиявий таъминлаш мақ­садида тузилган пул жамғармалари.­
Экологик инқироз экологик тизимда модда ва энергия алмашинувининг табиий ҳолатда кечишининг бузилиши ёки модда ва энергиянинг кичик ҳамда катта айланиш жараёнларининг маълум бир бос­қичдаги узилиши.
Экологик кадастр муайян табиий объект­нинг географик жойлашуви, ҳуқуқий мақоми, миқдор, сифат тавсифлари ҳамда баҳоси тўғрисидаги янгиланиб туриладиган (ўзгарувчан) маълумотлар ва ҳужжатлар тўплами.
Экологик концепция табиат ва жамиятнинг ўзаро муносабати тўғрисидаги қарашлар тизими, яъни бу моддий дунёда кишиларнинг ўрни, аҳамияти ва моҳиятини акс эттирувчи дунёқарашлар.
Экологик меморандиум дипломатик мулоҳазалар предмети бўлган экологик масалаларни акс эттирувчи ҳужжат.
Экологик мониторинг атроф табиий муҳит ва табиий ресурсларнинг даврий ўзгаришини (кадастр маълумотларига асосланган тарзда)­ кузатиб бориш, ҳисобга олиш, баҳо бериш ва истиқболини белгилаш тизими.­
Экологик назорат экологик муносабат субъектларининг табиий ресурслардан оқилона фойдаланишлари ва атроф табиий муҳитни муҳофаза қилишларига оид фаолиятларини ваколатланган давлат органлари, нодавлат ташкилотлар ва жамоат бирлашмалари томонидан текшириб бориш ҳамда тегишли чора-тадбирларни амалга ошириш тизими.
Экологик сиёсат муайян давлатда ёки халқаро миқёсда маълум бир ер, сув ва ҳаво кенглигида юзага келган экологик ҳолатни ҳисобга олган тарзда, атроф-муҳитни яхшилаш ҳамда соғломлаштиришга қаратилган ички ва ташқи ижтимоий-иқтисодий ҳаракат.