Олий ва ўрта махсус таълим

Фаннинг ўқув режасидаги бошқа фанлар билан ўзаро боғлиқлиги ва услубий жиҳатдан узвий кетма-кетлиги

“Физика ва астрономия таълимида таҳлил ва тадқиқот усуллари” фани умумфалсафий, умумметодологик фанлар тизимига киради ва у барча табиий, ижтимоий-гуманитар, техника фанлари билан ва бошқа фанлар билан узвий ва чамбарчас боғланганлиги учун уларнинг методологик асосини ташкил қилади. Бу фан умумий педагогика, умумий психология, физика ва астрономия ўқитиш назарияси ва методикаси, физика ва астрономия ўқитишда инновацион технологиялар, умумий физика , назарий физика, астрономия, астрофизика каби фанларнинг асосий билимлари билан ҳамда уларнинг методологияси ва методикаси билан бевосита боғлиқ бўлиб, улар тўғрисида яхлит тасаввурга эга бўлишга хизмат қилади.

7

Фаннинг таълимдаги ўрни

Физика ва астрономия таълимида таҳлил ва тадқиқот усуллари фанини ўзлаштирган талаба физика ва астрономия ҳамда уларнинг ўқитиш методикасини тараққиёт тенденцияси, унинг бугунги кундаги ҳолати, изланиш методлари, янгиланиш сабаблари, тегишли ўқув адабиётлар ва уларни тавсифлашни бўлажак илмий, илмий-педагогик фаолиятида қўллашга ўргатади, янги ахборот технологияларини қўллаб, олган билимларини педагогик ва илмий фаолиятида қўллайди. Шунингдек магистрантларни илмий-тадқиқот ишларини олиб боришга тайёрлашда муҳим ўрин тутади ва уларни муваффақиятли тадқиқот ишларини олиб боришга назарий ва амалий жиҳатдан тайёрлайди. Республикамизда амалга оширилган узлуксиз таълим тизимида ўқитиладиган барча фанларнинг ўқитиш методикасини такомиллаштиришда ҳамда замонавий педагогик ва ахборот коммуникацион технологияларни ўқитишга қўллашда алоҳида ўрин тутади.
Мазкур курс магистратуранинг 1 – курс 1 – 2 семестрида ўқитилиб, уни ўқитишга жами 210 соат: 70 соат маърузага, 70 соат амалий машғулотларга ва 70 соат мустақил ишларга ажратилган.

Фанни ўқитишда замонавий ахборот ва педагогик технологиялар

“Физика ва астрономия таълимида таҳлил ва тадқиқот усуллари” фанини ўқитилишида ушбу фан бўйича яратилган таълим технологиялари , бир қатор электрон плакатлар, тарқатма материаллар, электрон дарсликлар ва қўлланмалар, Интернет маълумотлари, локал тармоқдаги турли ўқув, илмий билимни назорат қилиш бўйича маълумотлар жамламасидан фойдаланилади. Ушбу курсни ўқитишда замонавий педагогик технологиялар ва ахборот комуникатив технологиялардан жуда муҳим ҳисобланади ва уни тўлақонли ўзлаштиришга хизмат қилади. Айниқса компьютер технологиясини қўллаб ўқитиш самарали ҳисобланади.