Олий таълим ўқув режаларидаги фанларга

Свойство – ойнасида Обозреватель решений танланган элементнинг хусусиятлари акс этади. Агар ушбу ойна ишчи ойнада йўқ бўлса, уни Вид менюсидан фойдаланиб, чиқариб олинади.
Ойнанинг марказида дастур ёзиш учун С# муҳаррири жойлашган. Ушбу муҳаррир орқали проект учун дастурий код ёзиш ва таҳрирлаш мумкин. Ёзилган код тўғрисида жойлашган (- ёки +) белгиларни танлаш орқали ушбу блокка тегишли дастур матнини берктиш ёки кўрсатиш мумкин. С# ишчи муҳитининг қолган ойналари ва элементлари билан кейинги дарслар давомида танишиб борамиз.

3. 
   3-расм
   

Янги илова яратилиши билан автоматик тарзда С# муҳарририда қуйида келтирилган дастурий код шакллантирилади.
using System;
using System.Collections.Generic;
using System.Linq;
using System.Text;

namespace ConsoleApplication6

{
class Program
{
static void Main(string[] args)
{
}
}
}

Бу ерда using директиваси ундан кейин ёзилган номлар макони(кутубхона)даги синфларни проектга улаш ва ундаги синфлардан бевосита тўғридан-тўғри(синф олдида номлар макони номини кўрсатмасдан) фойдаланиш имконини беради. System, System.Collections.Generic, System.Linq, System.Text лар ўзида стандарт синфларни мужассамлаштирган кутубхоналар номларидир.

namespace ConsoleApplication6 - ConsoleApplication6 номли(бу проектни яратаётганимизда биз берган файл номи билан автоматик равишда яратилади) жорий проект учун номлар макони яратиб олишни амалга оширади. Бундан мақсад биз ёзаётган дастурда яратилган синф ва объект номлари фойдаланилган бошқа кутубхоналардаги синф ва объект номлари билан мос келиб қолмаслигини таъминлашдир.
С# объектли дастурлаш тили бўлгани сабабли унда ёзилган дастур энг камида битта синфдан иборат бўлади. Бизнинг мисолимизда бу - class Program орқали эълон қилинган Program синфидир. static void Main(string[] args) эса Program синфининг усули ҳисобланиб, дастурни ишга тушириш(инициализация қилиш учун) учун қўлланилади. Фигурали қавслар дастур кодини блокларга ажратиш учун хизмат қилади. Ҳар бир очилган фигурали қавс албатта ёпилиши шарт. static void Main(string[] args) дан кейин очилган ва ёпилган фигурали қавслар {} орасидан биз дастуримизни ёзишни бошлаймиз. Чунки илова ишга туширилганда айнан шу ерга ёзилган дастур бажарилади. Дастурни ишлашини текшириш учун Ctrl + F5 тугмаларини биргаликда босиш ёки Отладка менюсидан Запуск без отладки бандини танлаш зарур.