Олий таълим тизимини янада ривожлантириш чора-тадбирлари тўғрисида

Ўзбекистон Республикаси Президентининг 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида”ги 2909-сонли қарори юзасидан Ўзбек тили ва адабиёти факультетида ўтказилган йиғилиш
Б А Ё Н Н О М А С И
06.05.2017 йил Жиззах шаҳри
Қатнашдилар: Молия-иқтисод ишлари проректори И.Ғиёсов, факультет декани Ф.Равшанов, факультет деканининг ўринбосарлари, кафедра мудирлари, профессор-ўқитувчилар.
Ушбу йиғилиш Ўзбек тили ва адабиёти факультетининг 316 ўқув хонасида бўлиб ўтди. Ташкил этилган йиғилишни факультет декани Ф.Равшанов кириш сўзи билан очиб берди. Ф.Равшанов профессор-ўқитувчиларни Ўзбекистон Республикаси Президентининг “Олий таълим тизимини янада ривожлантириш чора-тадбирлари тўғрисида” ги Қарори мазмун-моҳияти билан таништирди. Ҳозирги кунда юртимизда бўлаётган ўзгаришлар, ютуқларнинг қарор билан мувофиқ жиҳатларига кўра тушунтириб берди.
Институт молия-иқтисод ишлари проректори И.Ғиёсов сўзга чиқиб, 2017 — 2021 йилларда Олий таълим тизимини комплекс ривожлантириш дастури, унинг таркибида кадрлар тайёрлаш мазмунини тубдан қайта кўриш, халқаро стандартлар даражасига мос олий маълумотли мутахассислар тайёрлаш учун зарур шароитлар яратилишини таъминлаш, 2017-2021 йилларда Олий таълим муассасаларининг моддий-техника базасини мустаҳкамлаш ва юқори малакали мутахассислар тайёрлаш сифатини тубдан яхшилаш чора-тадбирлари дастурини амалга ошириш тўғрисида алоҳида тўхталиб ўтди. Шунингдек, И.Ғиёсов 2017 — 2021 йилларда олий таълим тизимини тубдан такомиллаштириш бўйича комплекс чора-тадбирлари таркиби ва тўлиқ мазмун-моҳияти билан профессор-ўқитувчиларни таништириб ўтди ва қарорнинг ва жумладан Жиззах давлат педагогика институти биноларининг реконструкциялаш ҳамда янги 500 ўринли ўқув биноси барпо этилиши бўйича белгиланган чоралар режалари билан таништирди.
Шунингдек, И.Ғиёсов 2017-2021 йилларда олий таълим муассасаларининг моддий-техника базасини мустаҳкамлаш ва модернизациялаш, уларни замонавий ўқув-илмий лабораториялар, замонавий ахборот-коммуникация технологиялари воситалари билан жиҳозлаш комплекс чора-тадбирлари; 2017-2021 йилларда Жиззах Давлат Педагогика институтини комплекс ривожлантириш дастурини амалга ошириш молиявий харажатлар ҳажмининг ҳисобланган; ЖДПИ нинг 2017-2021 йилларда қурилиш, реконструкция қилиш ва капитал таъмирлашнинг манзилли дастуридаги ўрни; 2017-2021 йилларда ЖДПИни ўқув ва илмий лаборатория ускуналари билан жиҳозлаш режалари билан таништирди.
Йиғилиш сўнгида факультет профессор-ўқитувчиларини қарор юзасидан қизиқтирган саволларга И.Ғиёсов томонидан етарлича жавоб берилди.
Йиғилиш раиси: Ф.Равшанов
Йиғилиш котиби: Х.Махаммадиев