Олий таълим тизими педагог ва раҳбар кадрларини қайта тайёрлаш ва уларнинг малакасини оширишни

“Адабиёт ўқитиш методикаси” модули олий мактаб профессор-
ўқитувчилари малакасини ошириш тизими олдига давр томонидан 
қўйилаётган янги талаблар асосида тузилган. Мамлакат ҳаётида юз 
бераётган жиддий ўзгариш ва янгиланишлар, шубҳасиз, олий филологик 
таълим тизимида адабиёт ўқитишни йўлга қўйиш борасида ҳам тубдан 
янгиланиш бўлишини тақозо қилади.
Очуннинг мавжудлиги ва тараққиётида шахснинг ўрни тобора юксалиб 
бораётганлиги бутун дунёда инсонда эзгу маънавий сифатлар 
шакллантиришга алоҳида эътибор қаратишни тақозо қилмоқда. Бу ҳол, ўз 
навбатида, филологик таълим самарадорлигини оширишни талаб этади. 
Чунки бадиий адабиёт одамда эзгу маънавий сифатлар таркиб 
топдиришнинг энг самарали йўлидир. 
Давр ўзгариши билан бадиий адабиётга муносабат ва унга ёндашув 
йўсинлари ҳам ўзгариб бормоқда. Олдинлари бадиий битикка насиҳат 
қилиш, эргаштириш воситаси тарзида қаралиб келинган бўлса, эндиликда 
адабиёт ва адабий таълимга ўқирманда аксеологик муносабат уйғотиш, баҳо 
беришга ички эҳтиёж пайдо қилиш воситаси сифатида қаралмоқда. Бундай 
ёндашув йўсини олий ўқув юртларида адабиёт ўқитишга ҳам янгича 
муносабатда бўлишни талаб қилмоқда. 
Бугунги одам маънавияти шаклланиши учун бадиий асарни ўқиш, 
тушуниш ва таҳлил қилиш ҳамда битикдан келиб чиқадиган ижтимоий-
эстетик маънони англаш ҳал қилувчи аҳамиятга эга. Бу ҳол таълим-тарбия 
тузилмаларида адабиёт ўқитиш самарадорлигини оширишни тақозо 

---

5 
қилмоқда. 
Шунинг учун ҳам ушбу модул олий ўқув юртлари профессор-
ўқитувчиларига адабиёт ўқув фанларини ўқитишда янгича ёндашув йўллари 
борасида тушунча беради. 
Модулнинг мақсад ва вазифалари 
«Адабиёт ўқитиш методикаси» модулининг мақсади малака ошириш 
курси тингловчиларида адабиётга доир турли фанлар, айниқса, “Адабиёт 
ўқитиш методикаси” фанини ўқитиш борасида янгича илмий ёндашувларни 
ўргатиш ва уларни амалда қўллаш кўникмаларини шакллантиришни кўзда 
тутади. 
Ушбу модулнинг вазифалари қуйидагилардан иборатдир: 
- олий мактаб профессор-ўқитувчиларини адабиётга тегишли фанларни 
ўқитиш самарадорлигини оширишга доир илмий-методик янгиликлар билан 
таништириш; 
- олий ўқув юртлари профессор-ўқитувчиларида ўзбек адабиёти 
йўналишидаги исталган фандан маъруза ўқиш, амалий машғулотлар ўтиш 
малакасини шакллантириш; 
- тингловчиларда “Адабиёт ўқитиш методикаси” курси бўйича 
самарали сабоқлар уюштириш кўникмасини шакллантириш; 
- профеесор-ўқитувчиларда “Адабиёт ўқитиш методикаси” курсини 
ўтишда турли инновацион усуллардан фойдалана билиш кўникмасини 
қарор топдириш; 
- тингловчиларда адабиётга доир фанларни ўқитишда интерфаол 
усулларни қўллай олиш малакасини шакллантириш; 
- тингловчиларни турли жанр ва адабий йўналишлардаги бадиий 
асарларни таҳлил қилишга ўргатиш.