Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Тизим таҳлилининг алгоритмик формуласи.
Таклиф этилаётган усул мавжуд бўлган усулларни ривожлантирган ҳолда тизимни деярли қийничиликсиз таҳлил этиш имкониятини беради. Борлиқ ва ундаги жараёнлар биргаликда таҳлил қилиниши сабабли топиладиган ечим аниқроқ бўлади.
Тизим таҳлилининг алгоритмик формуласи.Ҳар бир тизимни таҳлили учун алгоритмик формула таклиф этилган:
ТТ=((Тизим + Жараён)→параметрлар) * n * n
Шундай қилиб, тизим таҳлилининг алгоритмик формуласи бажарилиши қуйидагича бўлиши мумкин:

• 
  Текширилаётган борлиқ - элемент система деб қабул қилинади ва ўрганилади.
  
• 
  Унда содир бўлаётган жараёнлар аниқланади, ўрганилади. Таъкидлаш лозимки, ҳар бир текширилаётган элементда, системада кўплаб жараёнлар содир бўлади, ундан тадқиқ этилиши лозим бўлган жараёнлар танланади.
  
• 
  Тизим билан жараён ўрганилиб, тизимга ҳамда жараёнга тааллуқли параметрлар, энг асосийси, кириш ва чиқиш параметрлари аниқланади.
  
• 
  Ана энди танланган тизимдаги параметрларнинг бир-бирига таъсири аниқланади. Бунинг учун аксарият тизим ичига кетма-кет, қадамба-қадам кириб борилади. Бунинг учун тизимнинг кўп поғонали таҳлилини таклиф этилган.
  

Шундай қилиб, ҳар бир текширилаётган элемент - тизимда кўплаб жараёнлар содир бўлади, ундан тидқиқот этилиши лозим бўлган жараёнлар танланади. Тизим билан жараён ўрганилиб, тизимга ҳамда жараёнга таллуқли параметрлар аниқланади. Танланган тизимда параметрларнинг бир-бирига таъсирини аниқлаш учун, тизим ичига кетма-кет қадамба-қадам кириб борилади. Бунинг учун биз, тизимнинг кўп босқичли таҳлилини таклиф этдик.
Боғланишлар харитасини (тузилмасини) тезкор ўйлаш. Бунда фикр ўзаро кетма-кет таъсирлар оқимини, таъсирларни, ўзаро боғланишларни ва ечим топиш йўлларини тезкор аниқлаб маълум хулосага келиш хақида бормоқда. Тизимнинг кириш ва чиқиш параметрларини қандай функция асосида боғланишини аниқлаш масаласи кўрилади. Аввало, ўрганилаётган объект қора қути сифатида тасавур қилиниб, ундаги боғланишлар аниқланиши билан қора қути шаффофлашиб боради. Жараённинг модели ҳам структуравий ҳам параметрик тўлиқ аниқланганида қора-қутининг мазмун-мохияти намоён бўлади¹ .