Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

4-амали машғулот. Педагогик фаолиятда интерактив инфографика воситаларидан фойдаланиш (2 соат).
Ишнинг мақсади - инфографикани яратиш, улардан таълим тизимида фойдаланиш бўйича билим ва кўникмаларни такомиллаштириш.

Назарий маълумот

Таълим жараёни (ҳар қандай маълумот алмашинуви каби) барча босқичларда – ахборотни узатиш, сақлаш ва қайта ишлашда коммуникатив характерга эга. Таълимни ахборотлаштириш жараёнининг замонавий ривожланиши ушбу рўйхатга янги элемент – маълумот тақдимотини, шу жумладан, инфографика ёрдамида яратилган визуал объектлар кўринишидаги тасвирлар киритиш зарурлигини тақозо этмоқда.
Инфографика – бу ахборот, маълумотлар ва билимларни тақдим этишнинг график усули бўлиб, унинг мақсади мураккаб маълумотларни тез ва аниқ тақдим этишдир.

4.4.1-расм.
Инфографика 90 йиллар бошида аввал хорижий оммавий даврий нашрлар саҳифаларида пайдо бўлган. Aхборотнинг ҳаддан ташқари тўйинганлиги шароитида катта миқдордаги маълумотларни энг аниқ ва тезкор намойиш этиш зарурати туғилади. Бунга замон билан ҳамнафас яшаётган инсонда вужудга келган “экран” маданияти ҳам ёрдам беради. Одатда, одамлар иложи борича тезроқ маълумот олишни хоҳлашади, инфографика эса бу эҳтиёж учун ажойиб ечимдир. Бизнинг миямиз визуал маълумотни матндан кўра 60 000 марта тезроқ англаб етади.

• 
  Мияга узатиладиган маълумотларнинг 90 фоизи визуал маълумотлар ҳисобланади;
  
• 
  Сезги рецепторларининг 70 фоизи инсоннинг кўзида жойлашган;
  
• 
  Миянинг 50 фоизи визуал маълумотни қайта ишлаш билан шуғулланади;
  
• 
  Одамларнинг 40 фоизига визуал эффектлар тез етиб боради.
  

Инфографиканинг ахборотни визуаллаштирилган бошқа турларидан фарқи унинг метафориклигидадир (ахборотни таққослаш), яъни бу шунчаки катта миқдордаги маълумотлар асосида қурилган график ёки диаграмма эмас, балки бу визуал маълумотлар ҳаётдан, муҳокама мавзуларидан олинган аниқ мисоллар билан боғлиқ ҳолда жойлаштирилган графикадир. Визуализация жараёни фикрлаш мазмунини визуал тасвирга айлантиришдан иборат.
Инфографика – бу ахборот дизайни шаклларидан биридир.
Aхборот дизайни – бу эргономикани, функционалликни, инсоннинг ахборотни идрок этишининг психологик мезонларини, ахборотни тақдим этишнинг визуал шакллари эстетикасини ва бошқа омилларни ҳисобга олган дизайннинг бир соҳаси ҳисобланиб, бадиий-техник дизайн ва турли хил маълумотларни тақдим этиш амалиётидир.
Aхборот дизайнининг асосий мақсади алоқа аниқлиги, яъни хабар нафақат жўнатувчи томонидан аниқ етказилиши, балки уни қабул қилувчи томонидан тўғри тушунилиши керак.