Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

Мавзунинг муҳимлиги ва долзарблиги (инфографика яратилган аудиторияга йўналтирилганлиги);

Соддалик ва ихчамлик (Барча тўпланган маълумотлар сараланиши ва фақат энг муҳими қолдирилиши керак. Инфографиканинг асосий мақсади – аниқ бир масалага ёки муаммога ойдинлик киритиш. Aхборот ва визуал элементларнинг ҳажмини оширилиши инфографикани тушунишни қийинлаштириши мумкин);

Образлилик ва кўргазмалилик (анъанавий маълумотлар зерикарли ва баъзан уларни тушуниш қийин. Геометрик шакллар, графикалар, диаграммалар, пиктограмма ва белгилардан фойдаланиш узатилаётган маълумотларнинг тасвирини яратишда ва маълумотларни тасаввур қилишда ёрдам беради);

Ижодкорлик (Бу инфографика ва оддий диаграмма ўртасидаги асосий фарқ. Инфографикангизни ўзингизнинг фикрингизни билдиришингиз мумкин бўлган плакатда тақдим этинг. Aммо, шу билан бирга, дизайн ҳам мос бўлиши ва масаланинг очилишини акс эттириши керак);

Маълумотларнинг аниқлиги (маълумотлар аниқ ва тизимли равишда тақдим этилади, асосий ғоя аниқ бўлиши керак);

Эстетик жозибадорлик (уйғунлик ва мутаносиблик).

Инфографик яратиш технологияси 1-қадам - инфографика ёрдамида эришиладиган мақсад ва вазифаларни аниқланг (мавзу йўналишига қараб). Графикада ҳақиқатдан мавжуд бўлган нарсаларни намойиш қилиш жуда осон, лекин мавҳум тушунчаларни визуал текисликка ўтказиш анча қийин ва бу деярли имконсизлигини ёдда тутиш лозим.
2-қадам – маълумотни бўлимларга, қисмларга, пунктларга ажратиш. Ҳар бир бўлимни алоҳида расм ёки графикада тақдим этинг. Тингловчиларингизга таниш ва тез-тез ишлатиладиган визуал образларни танланг.
3-қадам – фокусни яратинг, яъни инфографиканинг атрофида қуриладиган асосий визуал метафора ҳақидаги ҳикояни ишлаб чиқинг. Бу содда ва ҳаммага маълум бўлиши керак.

4.4.2-расм. Инфографикани лойиҳалаш босқичлари
Сифатли инфографика яратиш бўйича тавсиялар