Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

iSpring дастурининг iSpring Free, iSpring PRO, iSpring Presenter ва iSpring Suite, iSpring Flip каби версиялари мавжуд бўлиб, қуйида iSpring Suite 9 дастури ҳақида маълумотлар берамиз.
Дастур ўрнатилгач, Windows ишчи ойнасида дастур ёрлиғи ҳамда Microsoft Power Point дастурида iSpring Suite менюси намоён бўлади.

iSpring Suite 9 дастури панелида тугмалар қуйидаги гуруҳларга ажратиб
жойлаштирилган:
Публикация – гуруҳда жойлашган Просмотр ва Публикация тугмалари ёрдамида яратилган файл кўриб чиқилади ва хотирада сақланади.
Презентация- гуруҳидаги тугмалар ёрдамида презентация тизимини таҳрирлаш, ташқи ресурслар ссилкасини бошқариш, маърузачиларга ахборотларни, ташкилот логотиплари ва ташкилотнинг веб-сайт ссилкасини қўшиш, Power Point презентациялари ва алоҳида папкада барча бир-бирига боғлиқ ресурсларни экспорт қилиш мумкин.
Сопровождение- гуруҳи тугмалари ёрдамида овоз ёзиш, видео жойлаштириш ва уларни таҳрирлаш мумкин.
Вставка- тест, 3D-китоб, савол-жавоб, каталог, вақт шкаласи, диалоглар яратиш, персонажлардан фойдаланиш, экрандаги жараённи ёзиб олиш, флеш роликлар танлаш ҳамда YouTube ва Web дан маълумотлар олиб жойлаштириш мумкин.
И нформация- гуруҳида дастур ҳақида маълумот олиш, интернет орқали дастурни янгилаш ва дастурга оид форумда иштирок этиш мумкин. iSpring Suite 9 дастури турли мақсадларда қўлланиладиган дастурлар тўпламидан иборат. Дастур таркиби қуйидаги расмда берилган.
Ушбу таркибдаги дастурлар қуйидаги мақсадларда қўлланилади: o iSpring Visuals – савол -жавоб
каталог, вақт шкаласи яратиш; o iSpring Quizmaker – тест, анкета
тузиш; o iSpring TalksMaster – диалог(
мулоқотлар) яратиш; o iSpring Audio-Video Editor – аудио ва
видео файллар билан ишлаш, таҳрирлаш; o iSpring Cam Pro – компьютер экранидаги жараённи тасвирга олиш.
Дастур ёрдамида яратилган 3D-китоб, диалог, тест каби электрон контентларни Microsoft PowerPoint дастури слайдида жойлаштириш билан бир қаторда, бевосита дастур ёрлиғини активлаштириб яратиш мумкин.
iSpring Suite 9 дастурининг қуйидаги имкониятлари мавжуд: o тақдимот файлларини бир неча (exe, swf, html) форматларда
конвертациялаш имконияти; o тақдимот контентига ташқи ресурсларни (аудио, видео ёки flash
файлларни) киритиш имконияти; o тақдимот контентини муҳофаза қилиш: пароль ёрдамида кўра олиш, тақдимотга “ҳимоя белги”си қўйиш, тақдимотни фақат рухсат этилган доменлардагина “айлантирилиши”; o видео қўшиш ва уни анимациялар билан синхронлаштириш; o электрон тест(назорат)ларини яратиш ва натижаларини электрон почтага ёки масофавий ўқитиш тизимига (LMS) узатиб бериш имкониятини берадиган интерактив матнлар яратиш учун восита ўрнатилган (Quiz тугмачаси); o масофавий ўқитиш тизимида фойдаланиш учун SCORM/AICC — мос
келувчи курсларини яратиш; o видеотасвирни ёзиш ва уни тақдимот билан синхронлаштириш; o YouTubeга жойлаштирилган роликларни тақдимот таркибига киритиш
имконияти ва ҳ.к.
iSpring Suite 9 дастурида нафақат flash-тақдимотларни яратиш, балки таълим жараёнида қўлланилиши мумкин бўлган роликлар тайёрлаш, хусусан, уларга турли шаклдаги сўровлар, электрон тестларни ҳам киритган ҳолда ўзаро интерактив боғланиш ҳамда маъруза матни, қўлланма ва дарслик шаклидаги маълумотларни 3D китоб кўринишида яратиш мумкин.
Дастурнинг ускуналар панелида жойлашган “Интерактивность” бўлимида 4 та интерактив функциялар жойлашган бўлиб, улар ёрдамида тақдимот слайдида савол-жавоб, каталог (глоссарий) ҳамда вақт шкаласида жойлашган хронологик маълумотларни шакллантириш мумкин.
Шу билан бирга билимларни текшириш максадида “Тест” тугмасидан фойдаланиб, тақдимот слайдида тестлар яратиб жойлаштириш имконияти мавжуд.
Ушбу имкониятлардан нафақат тақдимот слайдида, балки тўғридан тўғри дастур ёрлиғини активлаштириб фойдаланиш мумкин. Қуйида шу усулдан фойдаланиб 3D китоб ва тест тузиш жараёнларини кўриб чиқамиз. Зеро Сиз маъруза матнингизни, қўлланмангизни талабаларга MS Word дастурида шакллантирилган оддий матн кўринишида эмас, вароқлаш имконияти бўлган ҳамда чиройли дизайн билан безатилган китоб шаклида тақдим эта оласиз.