Учинчи давр.
Миллий парламентаризм ривож топишининг учинчи даври Олий Мажлис Қонунчилик палатаси ва Сенатининг 2005 йил 28 январдаги қўшма мажлисидан бошланиб, бунда янги икки палатали Олий Мажлис депутатлари ва сенаторлари амалда ўз ишларига киришдилар. Мамлакатимиз қонун чиқарувчиларининг ана шу тарихий анжуманида Ўзбекистон Республикаси Президенти И.А.Каримов дастурий маъруза қилиб, унда жамиятимизни демократлаштириш ҳамда янгилашнинг аниқ ва теран асослантирилган концепциясини, шунингдек мамлакатимизни 2005 йилда ва узоқ муддатли истиқболда ислоҳ этиш ҳамда модернизация қилишнинг асосий вазифаларини илгари сурди.
Ўзбекистон Республикаси Олий Мажлисининг Қонунчилик палатаси мамлакатни ислоҳ этиш ва модернизация қилишнинг давлатимиз бошлиғи томонидан олға сурилган устувор йўналишлари ҳамда аниқ мақсадли вазифалари асосида ишлаб чиқилган 2005-2009 йилларга мўлжалланган қонунчилик фаолияти дастурини қабул қилди.
Икки палатали парламент ташкил этилгач, Ўзбекистон Республикасида қонун чиқарувчи ҳокимият ўз тараққиётида янги поғонага кўтарилди. Энг асосийси, гарчи қонунчилик жараёни анча мураккаблашган бўлса-да, қабул қилинган қонунларнинг сифати сезиларли даражада ошди. Қонунларни қабул қилишда сиёсий партияларнинг роли кучайди. Қонун лойиҳаларини партияларнинг фракцияларида олдиндан кўриб чиқиш, Қонунчилик палатаси ялпи мажлисларида ҳуқуқий ҳужжатлар лойиҳаларини муҳокама қилишда уларнинг фикрларини албатта эшитиш амалиёти шаклланди.
ҚОНУНЧИЛИК ПАЛАТАСИ КЕНГАШИ КЕНГАШ ТАРКИБИ
Исмоилов Нурдинжон Мўйдинхонович
Қонунчилик палатасининг Спикери
Отамуратов Сарвар Саъдуллаевич
Қонунчилик палатаси Спикерининг ўринбосари - "Миллий тикланиш" ДП фракцияси раҳбари
Умаров Нариман Маджитович
Олий Мажлис Қонунчилик палатаси Спикерининг ўринбосари - "Адолат" СДП фракцияси раҳбари
Кетмонов Хатамжон Абдурахмонович
Қонунчилик палатаси Спикерининг ўринбосари - Ўзбекистон Халқ демократик партияси фракцияси раҳбари
Алихонов Борий Ботирович
Қонунчилик палатаси Спикерининг ўринбосари - Экоҳаракат депутатлик гуруҳи раҳбари,Экология ва атроф муҳитни муҳофаза қилиш масалалари қўмитаси раиси
Шодмонов Адҳам Ҳурсанбоевич
Қонунчилик палатаси Бюджет ва иқтисодий ислоҳотлар қўмитаси раиси
Эшназаров Тулкин Шералиевич
Қонунчилик палатаси Аграр ва сув хўжалиги масалалари қўмитаси раиси
Абдуллаев Илҳом Зоирович
Қонунчилик палатаси Инновацион ривожланиш, ахборот сиёсати ва ахборот технологиялари масалалари қўмитаси раиси
Саидов Акмал Холматович
Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг раиси
Жалилов Авазбек Абдужаминович
Олий Мажлис Қонунчилик палатаси Халқаро ишлар ва парламентлараро алоқалар қўмитаси раиси
Хакимов Рахим Расулжонович
Қонунчилик палатаси Мудофаа ва хавфсизлик масалалари қўмитаси раиси
Ҳажиев Иноят Садуллаевич
Фуқароларнинг соғлиғини сақлаш масалалари қўмитаси раиси
Ходжаева Мавлудахон Исламовна
Қонунчилик палатаси Меҳнат ва ижтимоий масалалар қўмитаси раиси
Қирғизбоев Абдуғаппор Каримжонович
Фан, таълим, маданият ва спорт масалалари қўмитаси раиси
ҚОНУНЧИЛИК ПАЛАТАСИ ДЕВОНИ
Ўзбекистон Республикаси Олий Мажлиси Қонунчилик палатасининг Девони Ўзбекистон Республикаси Олий Мажлиси Қонунчилик палатасининг доимий фаолият кўрсатувчи ишчи органи бўлиб, Қонунчилик палатаси, унинг органлари ва депутатлар фаолиятининг ташкилий, ҳуқуқий, ахборот, таҳлилий, моддий-техника ва молиявий таъминотини амалга оширади.
Қонунчилик палатаси Девони ўз фаолиятида Ўзбекистон Республикасининг Конституциясига, Ўзбекистон Республикаси қонунларига, Қонунчилик палатаси, унинг Кенгаши қарорларига, Қонунчилик палатаси Спикерининг фармойишларига ва ушбу Низомга амал қилади.
Қонунчилик палатаси Девони ўз фаолиятини Ўзбекистон Республикаси Президентининг, Ўзбекистон Республикаси Олий Мажлиси Сенатининг, Ўзбекистон Республикаси Вазирлар Маҳкамасининг девонлари, ижро этувчи ҳокимият ва суд ҳокимияти органлари, маҳаллий давлат ҳокимияти органлари билан ўзаро ҳамкорликда амалга оширади.
Қонунчилик палатаси Девони Қонунчилик палатаси Спикерининг ва Қонунчилик палатаси Девони раҳбарининг бевосита раҳбарлиги остида ишлайди.
Қонунчилик палатаси Девонига Қонунчилик палатаси Девонининг раҳбари бошчилик қилади.
Қонунчилик палатаси Девони раҳбарининг ўринбосари бўлади, у Қонунчилик палатаси Девони тузилмавий бўлинмаларининг қонун ижодкорлиги фаолияти соҳасидаги ишини мувофиқлаштириб боради, Қонунчилик палатаси Девони раҳбари йўқлигида унинг вазифаларини бажаради, шунингдек ўзига топширилган иш участкаларига раҳбарлик қилади.
Do'stlaringiz bilan baham: |