Олди-сотди шартномасининг муҳим шартлари нималардан иборат? Олди-сотди шартномасини бекор қилиш тартибини еритиб беринг

12. Ўзбекистонда ишлаб чиқарилаётган ва хавфлилик тоифаси паст бўлган маҳсулотларнинг мувофиқлигини тасдиқлаш тартибини тушунтиринг
Бу саволга жавоб беришда “Маҳсулотлар ва хизматларни сертификатлаштириш тўғрисида”ги Қонунга тўхталиб ўтамиз.
Маҳсулотларнинг белгиланган талабларга мувофиқлигини тасдиқлаш – сертификатлаштириш, бу иккала тушунча бир хил маънони англатади.
Сертификатлаштиришдан асосий мақсад:

• 
  одамларнинг ҳаёти, соғлиғи, юридик ва жисмоний шахсларнинг мол-мулки ҳамда атроф муҳит учун хавфли бўлган маҳсулотлар реализация қилинишини назорат этиб бориш;
  
• 
  маҳсулотларнинг жаҳон бозорида рақобат қила олишини таъминлаш;
  
• 
  мамлакат корхоналари, қўшма корхоналар ва тадбиркорлар халқаро миқёсдаги иқтисодий, илмий-техникавий ҳамкорликда ва халқаро савдо-сотиқда иштирок этишлари учун шароит яратиш.
  
• 
  истеъмолчини тайёрловчининг (сотувчининг, ижрочининг) виждонсизлигидан ҳимоя қилиш.
  

Сертификатлаштиришнинг 2 хил шакли мавжуд: мажбурий ва ихтиёрий.
Ўзбекистон Республикасининг миллий сертификатлаштириш органи: Ўзбекистон стандартлаштириш, метрология ва сертификатлаштириш агентлиги («Ўзстандарт» агентлиги).
Энди “Ўзбекистон Республикасида ишлаб чиқарилаётган маҳсулотларнинг сифат ва хавфсизлик талабларига мувофиқлигини ишлаб чиқарувчи томонидан маълум қилиш тартиби тўғрисида” Низомга мурожаат қиламиз. Бу Низом Ўзбекистон Республикасида ишлаб чиқарилаётган ва хавфлилик тоифаси паст бўлган маҳсулотларнинг мувофиқлигини тасдиқлаш тартиботларини ишлаб чиқарувчи томонидан уларнинг сифат ва хавфсизлик талабларига мувофиқлиги ҳақида маълум қилиш йўли билан (мувофиқлигини маълум қилиш деб аталади) белгилайди ва фақат кўрсатиб ўтилган маҳсулотни ишлаб чиқарувчига нисбатан қўлланади. Ўзбекистон Республикасида ишлаб чиқарилаётган ва хавфлилик тоифаси паст бўлган маҳсулотларнинг рўйхати Ўзбекистон Республикаси Вазирлар Маҳкамаси томонидан белгиланади. Ишлаб чиқарилаётган маҳсулотларнинг қонунчилик талабларига мувофиқлигини тасдиқлаш учун маҳсулотни ишлаб чиқарувчи, мисол учун А. шахс, мувофиқлик хабарномасини тўлдиради.