Ой мавзуси:”Гўзал баҳор” Ҳафта мавзуси:”Онамнинг куни”. Мартнинг ойининг 1- ҳафтаси

Тўп билан ўйин “Онангни исми ва шарифини айт”.
Тарбиячи: Сизлар оналаринга тез-тез чиройли сўзлар айтиб берасизларми?(Болалар жавоблар)
Тарбиячи: Менда жудаям чиройли қутича бор. Сизлар мана шу қутичани олиб унга қаратиб сизларнинг онангиз қанақалигини айтиб беринг?
“Онам учун чиройли сўзлар” ўйини.
(Болалар давра бўйлаб турадилар чиройлик қутичани бир-бирларига узатишиб оналари тўғрисида чиройли сўзлар айтиб берадилар.Меҳрибон, чиройли, сабр-тоқатли, гўзал, ясанган, камтар, қувноқ, ақлли, нозик, нафис ва ҳ.к.)
Тарбиячи: Энди навбат саҳна кўринишига.
Саҳна кўриниши.
Тарбиячи:
Она ишдан келиб
Оёқ кийимин ечди.
Уй хонасига кириб
Атрофга разм солди.
Ва ўғлидан сўради...
Она: Уйга ўғри тушдими?
Бола: Йўқ.
Она:Уйга бегимот кирдими?
Бола: Йўқ.
Она:Уй қулаб тушмадими?
Бола: Йўқ.
Она: Фил рақсга тушмадими?
Бола: Йўқ.
Она:Бу ўзи бизнинг уйми?
Бола: Бизники.
Она:Ҳақиқатан яшаётган уйимизми?
Бола: Ҳа.
Она:Унда нима бўлди?
Бола: Ўртоғим Холвой билан
Озгинагина ўйнадик.
Она: Мен жуда ҳурсанд бўлдим
Бекорга ташвиш қилибман.
Сен ва ўртоғинг Ҳолвой
Уйимиз қилибсиз вой!
Тарбиячи: Қани болажонлар айтингларчи сизларда ҳам шундай вазиятлар бўлиб турадими? (Болалар жавоблари). Онажонимиз чарчаш ҳиссини сезмасликлари учун нима қилишимиз керак? (Болалар жавоблари) Тўппа, тўғри кайфиятларини кўтаришимиз керак. Келинглар бўлмасам “Онамни жуда яхши кўраман” номли кайфият кўтарадиган жисмоний машқ қилиб оламиз.
Жисмоний машқ.
(Текстга қараб ҳаракат қиладилар)
Онажоним севаман
Доим ёрдам бераман.
Кир юваман, чайқайман.
Супириб, пол артаман.
Ўтинларни ёраман
Идишларни юваман
Онам бир оз дам олсин
Оёқ учида юрай
Жим-жим секин гапиринг
Онам оромлар олсин.
Тарбиячи: Онажонларимиз нафақат уй ишларида, улар катта-катта корхоналарда, ташкилотларда ҳам меҳнат қиладилар. Келинглар эслаб кўрамиз. Онажонларинг ким бўлиб ишлайдилар.(Болалар жавоблари). Энди мана бу расмларга қаранглар. Расмда болажонлар ҳар-хил касб эгалари тасвирланган. Қани топингларчи бу онажонлар қайси касб эгалари экан?