Ой мавзуси:”Ғаройиб олам” Ҳафта мавзуси:”Қўшни мамлакатлар”. Февраль ойининг 1- ҳафтаси

Ой мавзуси:”Ғаройиб олам”
Ҳафта мавзуси:”Қўшни мамлакатлар”.
Февраль ойининг 1- ҳафтаси.
Гуруҳ: Тайёрлов.
Фаолият тури: Нутқ ўстириш.
Мавзу: ”Ўзбекистоннинг қўшни давлатлари”.
(Тожикистон, Қирғизистон, Қозоғистон, Туркманистон, Авғонистон)
Мақсад: Ўзбекистоннинг қўшни давлатлар ҳақидаги ғояларини шакллантириш.
Таълимий мақсад:Луғатни миллатга тегишли сўзлар билан бойитиш. Ўзбекистон атрофидаги қўшни давлатлар: Тожикистон, Қирғизистон, Қозоғистон, Туркманистон, Авғонистон ва у ерда яшайдиган халқлар , миллий либослар, халқ рақси ва мусиқаси ҳақида тушунча бериш.Сўзлашув нутқини шакллантириш. Сўзларни тўғри талаффуз қилиш. Болалар саволларга тўлиқ жавоб беришни, жумлаларни тўғри тузишга, керакли сўзлардан ўринли фойдаланишга ўргатиш. Чегарада, чегарадан ташқарида, чегара ичида сўзларини мустаҳкамлаш.
Тарбиявий мақсад: Нутқнинг ифодалилигини тарбиялаш.
Ривожлантирувчи мақсад: Ватанпарварлик туйғуларини ва ўз Ватанига бўлган ғурурни ривожлантириш.
Давлат талаби: Тайёрлов гуруҳда лозим бўлган билим ва кўникмаларни болаларга сингдириш. Бола нутқни тинглайди ва англайди, сўзлашади ва мулоқат қилади, қизиқувчан, интилувчан, фаол билишга қизиқиш билдиради ва унга эҳтиёжи мавжуд, атрофдаги борлиқни ижодий ўзгартириш малакасига эга.
Фаолият учун кераклик жиҳозлар: Мавзуга оид қўшни мамлакатларнинг либосларидан ва яна шунга оид кўргазмали расмлари ёки слайд, харита ёки глобус, транспортнинг ҳар хил турлари тасвирланган расмлар, самбуфер, чип, флешка,
Фаолиятнинг бориши:Ташкилий дақиқа.
Тарбиячи: (Болалар ярим доира шаклида туриб оладилар)
Турли туман болалар кўп жаҳонда
Йиғилсалар сиғмас минг-минг майдонга
Дунё юзи яна тинчу кенг бўлса
Ҳар боланинг бахти доим тенг бўлса.
Ватанини, онажонин севсалар.
Улар меҳрин, ғамҳўрлигин сезсалар.
Болалар, бугун барчангизни кўриб турганимдан жуда ҳурсандман. Шеър мазмунимдан фахмлагандирсиз. Бугунги ўйинларимиз фақат қўшни мамлакатлар ижодига бағишланади. Келинглар энди меҳмонларимиз билан саломлашиб олайлик.
Тонг отади эрталаб-қўллар юқорига
Бизни чорлар она юрт-қўллар ўнга ва чапга кўрсатилади.
Мен уйимдан чиқаман-қўл билан ўзини кўрсатади.
Салом дейман кўчамга-қўллар у ён бу ёнга ҳаракатланади
Салом дейман ҳаммага-қўллар бош узра кўтарилади.
Салом дейман Қишга ҳам-қўллар пастга туширилиб гиламни силанади
Салом дейман шўх-қувноқ-иккита қўл кўрсатқич бармоғи ёноққа қўйилади бош сараклатилади.
Изғирин шамолга ҳам -қўллар ақа-бақа силкинадилар.
Асосийси саломим-қўллар юқорида.
Барча меҳмон, устозга- тирсаклар букилиб қўллар кўкракка қўйилади.
Тарбиячи: Болалар диққатимизни доскага қаратамиз. Ушбу кўриб турганингиз харита деб аталади Харитада қаерда яшаётганимиз, йўллар, тоғлар, кенг майдон ерлари, яшаш жойлари, чегаралар, шаҳарлар кўрсатилган. Қаранглар ёнингизда кимлар турибди?(Слайд ёки глобусдан ҳам фойдаланиса ҳам бўлади)