Ой мавзуси:”Ғаройиб олам” Ҳафта мавзуси:”Қўшни мамлакатлар”. Февраль ойининг 1- ҳафтаси

Жисмоний дақиқа.
(Текстга қараб ҳаракатлар қилинади)
Мақтай десак қуёшга тенг
Ватанжоним бепаён – кенг.
Олти давлат, олти пойтахт
Қўшни давлат, битта дарахт.
Олти шохда гул меваси
Яшнаб турар тенг ҳаммаси.
Ҳилпирайди олти байроқ
Гуркирайди олти гулбоғ
Аҳил яшар олти ўртоқ.
Қўшиқ куйлар қўшни ўртоқ
Обод этар олти қардош
Мустаҳкамдир куч ва бардош
Сўзлашади турли тилда
Мақсад улуғ ҳар бир дилда
Бахт берувчи китоби бор
Нур сочувчи офтоби бор.
Биз –ўзбекнинг қизу-ўғлу
Тенг очилган бахтли гули.
Тарбиячи: Энди навбат энг қизиқарли ўйинларга болажонлар. Мен сизларга қўшни давлатлардан бирини айтиб тўп ирғитаман сизлар эса уни халқини айтиб тўпни менга ирғитасизлар.
Тўп билан даврада ўйин “Ким қаерда яшайди?”
Тожикистон-.........тожиклар
Қирғизистон-.....қирғизлар
Қозоғистон-.....қозоқлар
Туркманистон-...туркманлар
Афвғонистон-.....авғонлар
Ўзбекистон-.......ўзбеклар (яна қайтарилиб айтила беради).
Тарбиячи: Энди болажонлар яна бир ажойиб ўйин ўйнаймиз ҳозир икки гуруҳга бўлиниб оламиз. Битта стол устида 6та қўшни давлатлар байроғи яна битта столда яна 6 та давлат герблари бор. Сизлар шу байроқ ва герблар қайси давлатга мансуб эканлигини топиб беришларинг керак. Қани бўлмасам ўйинимизни мусиқа остида бошладик.
Ўйин “Байроқ ва гербни қайси Давлатники эканлигини топ!”
Тарбиячи:
1.Болажонлар нечта қўшни давлатлар бор экан ?
2.Улар қайси давлатлар экан?
3.Биз қаерда яшаймиз?
4.Қўшни давлатлар деганда сиз нимани тушунасиз?
5.Сизларга кўпроқ нима ёқди?
Баракалла болажонлар! Ўзбекистон Давлатимизнинг гуллаб яшнаши сиз ёшларнинг қўлидадир. Уни севишимиз, ардоқлашимиз, унга лойиқ бўлишимиз керак.
Энди болажонлар келинглар, Ўзбекистонимизнинг байроғини чизамиз. Сизларнинг столларингиз устида оқ қоғоз , фламастер ва қаламлар турибди. Ишларингизни бошлашингиз мумкин. (Болалар мусиқа остида Ўзбекистон байроғини чизадилар).
Тарбиячи: Энди болажонлар, бизнинг бугунги гуруҳимизга мульТфильм қаҳрамонлари Маша ва Айиқ ташриф буюришмоқчи. Келинглар меҳмонлар учун чиройли стол безатамиз. Чунки уларни биз чиройли қилиб кутиб олишимиз керак.
Тарбиячи: Энди болажонлар иссиқ кийимларимизни кийиб Ўзбекистонимизнинг табиатидан баҳраманд бўламиз кетдик болажонлар.