Оилавий поликлиника клиник-диагностика лабораторияси лаборантининг лавозим йўриқномаси

Соғлиқни сақлаш вазирлигининг 2013 йил 4 апрелдаги
100-сонли буйруғига 22-илова

Оилавий поликлиника клиник-диагностика лабораторияси лаборантининг лавозим йўриқномаси

1. 
   Умумий қоидалар
   

1. 
   Оилавий поликлиниканинг клиник-диагностика лабораторияси лаборанти лавозимига лаборатория иши бўйича ўрта тиббий маълумотга эга мутахассис ёки лаборатория иши бўйича қайта тайёргарлик курсини тамомлаган ва сертификат олган бошқа мутахассислар тайинланади.
   
2. 
   Лаборант бош врач тамонидан ишга тайинланади ва бўшатилади.
   
3. 
   Лаборант бош ҳамширага ва лаборант врачга бевосита бўйсунади.
   
4. 
   Лаборант ўз ишида лабораторияда ишни ташкил этиш учун белгиланган йўриқномалар ва қоидаларга, шунингдек бош врач, бош врачнинг ўринбосари буйруқлари ҳамда фармойишларига ва мазкур низомга амал қилади.
   

2. 
   Лаборантнинг вазифавий мажбуриятлари
   

Лаборантнинг мажбуриятлари қуйидагилардан иборат:

5. 
   Лаборатория текширувларини ўтказиш, натижаларини баҳолаш ва уларни лаборант-врачга маълум қилиш.
   
6. 
   Иш учун реактивлар, кимёвий идишларни, аппаратурани, дезинфекцияловчи эритмаларни тайёрлаш.
   
7. 
   Лабораторияга келаётган биологик материалларни рўйхатга олиш, уларга ишлов бериш ва текширишга тайёрлаш.
   
8. 
   Лаборатория текширишлари учун анализлар олиш (қон фақат бармоқдан олинади)
   

9. Меъёрий-техника ҳужжатларига, техника хавфсизлиги ва санитария-эпиде- мияга қарши тартиб қоидаларига мувофиқ лаборатория ускуналарини ишлатиш қоидаларига риоя қилиш.
10. Амалдаги йўриқномаларга мувофиқ лаборатория ускуналарини ювиш ва уларга ишлов беришни амалга ошириш.
11. Ҳисоб ҳужжатларини (рўйхатга олиш, журналлар ва бланкаларга натижаларни қайд қилиш ва бошқалар) тўғри ва ўз вақтида юритиш.

3. 
   Лаборантнинг ҳуқуқлари
   

Лаборант қуйидаги ҳуқуқларга эга:
12. Лаборант-врачга ишни ташкил қилиш, зарур реагентлар, харажатли материаллар билан таъминлаш масалаларида, шунингдек ўз ваколатлари доирасида лаборатория диагностика жараёнини яхшилаш масалаларида таклифлар киритиш.
13. Малакасини ошириш ва белгиланган тартибда малакавий даражасини олиш учун аттестациядан ўтиш.

4. 
   Лаборантнинг жавобгарлиги
   

Лаборант қуйидагилар учун жавобгар:

14. 
    Ўтказилаётган лаборатория текширувларининг сифати учун.
    
15. 
    Лабораторияда хавфсизлик техникаси қоидаларига ва санитария-эпидемияга қарши тартибга риоя этилиши учун.
    

16. Лаборатория ускуналари ва реактивларнинг бутлиги ҳамда самарали ишлатилиши учун.
17. Тиббий ҳужжатларнинг ўз вақтида ва тўғри тўлдирилиши учун.