Oila pedagogikasi

Ilmiy tadqiqot ishlarining muhim xususiyatlari va shartlari. Muayyan fan doirasidagi muammolarga oid ilmiy tadqiqot ishlarini amalga oshirish:
- murakkab
- ma’lum muddatni taqozo etuvchi;
- izchillik;
- uzluksizlik;
- tizimlilik hamda aniq maqsadga yo’naltirilganlik kabi xususiyatlarga ega bo’lgan jarayondir.
Ilmiy-tadqiqot ishlarining samarali bo’lishi uchun quyidagi shartlarga rioya etish zarur:
1) Muammoning dolzarbligi va mavzuning aniqligi;
2) Ilmiy farazlarning to’gri shakllantirilganligi;
3) Vazifalarning to’g’ri belgilanganligi (qo’yilgan maqsaddan kelib chiqib);
4) Tadqiqot metodlarining to’g’ri tanlanganligi;
5) Respondentlarning yosh, psixologik va shaxsiy xususiyatlarining hisobga olinganligi;
6) Tadqiqot natijalarini oldindan tashxislash va uning natijalarini aytib o’tish;
7) Tadqiqot natijalarining kafolatlanganligi.


2.2. “Oila pedagogikasi” fanining ilmiy-tadqiqot metodlari

Zamonaviy sharoitda oila tarbiyasi muammolarini tadqiq etishda quyidagi ilmiy-pedagogik metodlardan foydalanilmoqda:

1. 
   Pedagogik kuzatish.
   
2. 
   Suhbat metodi
   
3. 
   Anketa metodi
   
4. 
   Intervyu metodi
   
5. 
   Test metodi
   
6. 
   Pedagogik tajriba metodi
   
7. 
   Ijtimoiy – pedagogik retrospektiv metod
   
8. 
   Matematik va statislit metod
   

Quyidagi mazkur metodlarning oila tarbiyasi muammolarini tadqiq etishdagi o`rni va roli xususida so`z yuritiladi.

Pedagogik kuzatish. Ushbu metod yordamida tadqiqotchi tomonidan oilada tashkil etiladigan pedagogik (tarbiyaviy) jarayon bevosita yoki bilvosita sinchiklab o`rganiladi. Pedagogik kuzatish orqali oiladagi tarbiyaviy jarayonni o`rganiladi. Pedagogik kuzatish murakkab va o`ziga hos hususiyatlarga ega .Kuzatish aniq maqsad asosida uzluksiz izchil tizimli amalga oshirilsa kuzatilgan natijani qo`lga kigiritish mumkin. Olib borilayotgan pedagogik kuzatish oila tarbiyasi samaradorligiga erishish barkamol shaxsni shakillantirishga xizmat qilsa u holda metoding ahamiyati yanada oshadi.
Oila muammolari yuzasidan olib borilayotgan ilmiy tadqiqotlar jarayonida pedagogik kuzatuv metodini qo`llashda tadqiqotchi samarodarlikka erisha olishi zarur. Buning uchun tadqiqotchidan quydagilar talab qilinadi.

1. 
   Kuzatuv jarayonida aniq maqsadga egalik.
   
2. 
   Kuzatishni tizimli ravishda yo`lga qo`yish.
   
3. 
   Kuzatishning har bir bosqichida muayyan vazifalarni hal etish.
   
4. 
   Har bir holatning mohiyatini sinchiklab o`rganish.
   
5. 
   Xulosa chiqarishga shoshilmaslik.