Оила, маҳалла, мактаб ҳамкорлик маркази”нинг намунавий низоми умумий қоидалар

3. Марказнинг бошқарув фаолияти ва иш тартиби
3.1. Ҳудудлардаги Марказлар фаолияти Қорқалпоғистон Республикаси Халқ таълими вазирлиги, Тошкент шаҳри ва вилоятлар Халқ таълими бошқармалари ҳамда туман халқ таълими бўлимлари қошида тузилган ишчи гуруҳлар томонидан мувофиқлаштириб борилади.
3.2. Ҳудудлардаги Марказлар фаолиятини мувофиқлаштирувчи ишчи гуруҳ таркиби маҳаллий ҳокимият, ҳуқуқ-тартибот ва соғлиқни сақлаш органлари Ўзбекистон хотин-қизлар қўмитаси, Миллий ғоя ва мафкура илмий-амалий маркази, “Камолот” ЁИҲ, “Оила” илмий – амалий маркази, “Экосан” халқаро ташкилоти, “Маҳалла”, “Соғлом авлод учун” ва “Нуроний” каби жамғармаларнинг жойлардаги бўлимлари вакилларидан ташкил топади.
3.3. Марказ умумий ўрта таълим мактабларининг “Маънавият ва маърифат” хонасида ташкил этилади.
3.4. Марказ фаолиятини умумий ўрта таълим мактабларининг маънавий-маърифий ишлар бўйича раҳбар ўринбосари бошқаради.
3.5. Марказ қошидаги ишчи гуруҳ таркиби умумий ўрта таълим мактаблари маънавий-маърифий ишлар бўйича раҳбар ўринбосари, психологи, хотин-қизлар кенгаши раиси, ота-оналар кенгаши раиси, “Васийлик ва ҳомийлик кенгаши” раиси, маҳалла фуқоролар йиғинининг диний маърифат ва маънавий-аҳлоқий тарбия масалалари бўйича маслаҳатчиси, “Камолот” ЁИҲ бошланғич ташкилоти, тажрибали синф раҳбарлари ва намунали оилаларнинг катта ёшли вакиллари (ота-оналар)дан ташкил топади.
3.6. Марказ фаолиятида унинг Низомда белгиланган мақсад ва вазифалари доирасида ташаббус, маслаҳат, таклиф ва мулоҳазалари билан мактаб педагогик жамоаси, ўқувчилар жамоаси, ота-оналар қўмитаси аъзолари, маҳалла фаоллари ва кенг жамоатчилик вакиллари иштирок этиши мумкин.
3.7. Марказ қошида қуйидагилар ташкил этилиши мумкин:
- “Саҳоватли болалар ҳаракати”
- “Зулфияхоним қизлари” клуби
- “Спорт – тинчлик элчиси” клуби
- “Маҳалламиз ободлиги - юрт ободлиги” ҳаракати
- “Оила психологияси ва фарзанд тарбияси” маслаҳатхонаси
- “Ўғил болалар кенгаши”
- Вояга етмаганлар билан ишлаш гуруҳи
- “Маҳалламиз истиқболи” кенгаши
- Психологик маслаҳатхона
3.8. Марказнинг йиллик режасида белгиланган вазифалари ижроси бўйича марказ раҳбари ҳар чоракда 1 марта кенгайтирилган ота-оналар мажлисида ҳисобот беради.